Brandrissie
Die brandrissie (in Engels bekend as Cayenne pepper,[1] cow-horn pepper, aleva, bird pepper),[2] of, in sy poeiervorm, bekend as rooipeper of paprika — is 'n skerp rissie wat gebruik word om smaak en geur aan disse te verleen. Wanneer dit ryp is, het dit 'n helder rooi kleur, maar kan ook groen geëet word. Dié kultivar van Capsicum annuum is vernoem na die stad Cayenne in Frans-Guyana en is verwant aan soetrissies, jalapeños en andere. Die genus Capsicum is in die nagskadufamilie Solanaceae.
| Brandrissie | |
|---|---|
| |
| 'n Groot, ryp brandrissie | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | Capsicum
|
| Spesie: | C. annuum
kultivar: Cayenne |
Die vrugte word normaalweg gedroog en gemaal, of verpulp en in koekies gebak, wat dan gemaal en gesif word om die verpoeierde spesery te lewer.
In kos
wysigRissies word gebruik tydens die kook van sterkgegeurde disse, as 'n poeier of in sy heel vorm (bv. in Indië, Korea, Sichua en ander Asiatiese lande), of in 'n dun, asyn-gebaseerde sous. Die hitte word op 30 000 tot 50 000 eenhede op die Scoville-skaal gereken. Dit word ook gebruik as 'n kruietoevoegsel.
In drankies
wysigDrankies is deesdae beskikbaar met brandrissie-ekstrak, kapsisien, as 'n aktiewe bestanddeel.[3][4]
Verbouing
wysigMeeste verboude soorte van die brandrissie, Capsicum annuum, kan op enige plek gekweek word en neem omtrent 100 dae om volgroei te raak. Rissies verkies warm, vogtige, voedingsryke grond in 'n warm klimaat. Die plante bereik ongeveer 0,6 tot 1 meter in hoogte en moet omtrent een meter uitmekaar geplant word.
Voedingswaarde
wysigBrandrissies het 'n redelike hoë vitamien A-inhoud. Verder bevat dit ook vitamien B6, riboflavien,vitamien C, vitamien E, kalium en mangaan.[5] Die relatief klein hoeveelhede rissie wat met etes ingeneem word, maak die voedingswaarde van die indiwiduele stowwe egter weglaatbaar klein in die daaglikse waardetabel.
Baie vrae is al gevra oor die hitte-effek van brandrissies. Daar is beweer Kanadese inwoners het brandrissies in hulle stewels gebruik om hitte te behou in temperature onder vriespunt.
Verwysings en notas
wysig- ↑ Culpeper, Nicholas (1814) [1653]. "Guinea Pepper". Culpeper's Complete Herbal. David Hand (Web publication). Besoek op 13 Julie 2011.
- ↑ Therapeutic Research Faculty (2009). "Capiscum". Natural Medicines Comprehensive Database (Consumer Version). WebMD. Besoek op 13 Julie 2011.
- ↑ Latif, Ray (30 Mei 2011). "Extreme and Edgy Flavors". Beverage Spectrum Magazine (in Engels). Bevnet. Geargiveer vanaf die oorspronklike op 2 Oktober 2017. Besoek op 13 Julie 2011.
- ↑ Stanton Lee, Kendra (Maart 2011). "Slimming Prospects". Beverage Spectrum Magazine (in Engels). Bevnet. Geargiveer vanaf die oorspronklike op 2 Oktober 2017. Besoek op 13 Julie 2011.
- ↑ "Nutrition Facts: Spices, pepper, red or cayenne". Nutrition Data (in Engels). Condé Nast Digital. 2011. Geargiveer vanaf die oorspronklike op 10 April 2010. Besoek op 13 Julie 2011.
Verdere leesstof
wysig- Nutrient Data Laboratory. "99369: Peppers, cayenne, raw (Capsicum annuum)". USDA Database for the Flavonoid Content of Selected Foods (PDF) (2.1 uitg.). p. 68 (PDF p. 3). Geargiveer vanaf die oorspronklike (PDF) op 19 Augustus 2008. Besoek op 13 Julie 2011.
Eksterne skakels
wysig
| Hierdie artikel is in sy geheel of gedeeltelik vanuit die Engelse Wikipedia vertaal. |