Bethulie

Bethulie
Bethulie
	Dorp
	Bethulie
	Koördinate: 30°29′50″S 25°58′23″O / 30.49722°S 25.97306°O
Land	Suid-Afrika
Provinsie	Vrystaat
Distriksmunisipaliteit	Xhariep
Plaaslike Munisipaliteit	Kopanong
Stigting	1829
Oppervlak
• Totaal	37 km2 (14 vk. myl)
Hoogte	1 282 m (4 206 ft)
Bevolking
• Totaal	6 497
• Digtheid	180/km2 (500/vk. myl)
Tydsone	UTC+2 (SAST)
Poskode	9992

Bethulie is 'n dorp in die suide van die Suid-Afrikaanse provinsie Vrystaat, 180 km suid van Bloemfontein, met 2 100 inwoners (2011-sensus), van wie 514 (24,5%) wit was.^[2]

Bethulie se Gereformeerde kerkgebou, ontwerp deur die argitek Gerard Moerdijk. Die hoeksteen is gelê op 16 Februarie 1924.

Bethulie in die laatrepublikeinse tydperk, omstreeks 1895.

Die Hoërskool Pellissier op Bethulie is so genoem ter ere van die Franse sendeling Jean Pellissier.

Alhoewel Bethulie nie langs een van die provinsiale hoofpaaie lê nie, dien die dorp nogtans as 'n landbou- en spoorwegsentrum. Die naam, wat letterlik "deur God uitverkies" beteken, gaan terug op die direkteure van die plaaslike sendingstasie, wat as die bakermat van die dorp gedien het. Die sendingstasie se hoofgebou, Pellisierhuis, die voormalige tuiste van die Franse sendeling eerw. Jean Pellissier, dateer van 1843 en word as die oudste gebou noord van die Oranjerivier beskou.

Tydens die Tweede Vryheidsoorlog is van die grootste Britse konsentrasiekampe in Bethulie opgerig. Bethulie is ook die geboorteplek van die Suid-Afrikaanse akteur Patrick Mynhardt, ook bekend as die Boytjie van Bethulie.

Besienswaardighede

Die Pellisierhuismuseum is op 20 Julie 1979 geopen en behandel die geskiedenis van Bethulie en sy omgewing. Die huis vertoon ook 'n versameling van 19de-eeuse huis- en landbougereedskap en oorblyfsels van die Vryheidsoorlog.
Die D.H. Steynbrug naby Bethulie oorspan die Oranjerivier en is met 2 993 meter die langste in Suid-Afrika.
Die belangrikste toeristebestemmings in die omgewing is Bethuliedam met uitstekende watersportgeriewe en die Mynhardtwildtuin.

Sien ook

Nota: Afstande per pad gemeet^[3]

Verwysings

↑ Somtotaal van hoofplekke Bethulie en Lephoi tydens die 2011-sensus
↑ 2011-sensus – Bethulie
↑ Reisafstande na Bethulie

Hierdie artikel is ’n saadjie. Voel vry om Wikipedia te help deur dit uit te brei.

[1] Somtotaal van hoofplekke Bethulie en Lephoi tydens die 2011-sensus

[2] 2011-sensus – Bethulie

[3] Reisafstande na Bethulie

[2]

[1]

[3]