Hennie Steynbrug
 Die Hennie Steynbrug vanaf die Oos-Kaapse kant | |
| Oorspan | Oranjerivier |
|---|---|
| Ligging | Bethulie |
| Totale lengte | 1,2 km |
| Vryhoogte onder | 51,5 m hoog |
| Openingsdatum | 20 Junie 1970 |
| Koördinate | 30°31′53″S 26°1′23″O / 30.53139°S 26.02306°O |
Die Hennie Steynbrug oor die Oranjerivier is ‘n pad- en spoorbrug naby Bethulie. Dr. D.H. Steyn was die eerste voorsitter van die Oranje-ontwikkelingsraad.
Hierdie brug is op die R390-pad tussen Venterstad in die Oos-Kaap en Bethulie in die Vrystaat. Dit gaan oor die oostelike punt van die Gariepdam en 4 km oos daarvan sluit die Caledonrivier by die Oranje aan. Die brug is by 30°31′53″S 26°1′23″O / 30.53139°S 26.02306°O.
Die brug is 51,5 m hoog en 1,2 km lank. Dus is dit een van die langste brûe in die land en is op 20 Junie 1970 geopen.
‘n Vorige brug wat uit 1901 dateer en 3 km stroomaf van die nuwe brug geleë was, het onder die opstotende damwater verdwyn.