Yoshihide Suga
| Yoshihide Suga | |
 | |
| Ampstermyn 16 September 2020 – 4 Oktober 2021 | |
| Vise | Tarō Asō |
|---|---|
| Monarg | Naruhito |
| Voorafgegaan deur | Shinzo Abe |
| Opgevolg deur | Fumio Kishida |
President van die Liberale Demokratiese Party
| |
| Ampstermyn 14 September 2020 – 29 September 2021 | |
| Voorafgegaan deur | Shinzo Abe |
| Opgevolg deur | Fumio Kishida |
Hoofkabinetsekretaris
| |
| Ampstermyn 26 Desember 2012 – 16 September 2020 | |
| Eerste minister | Shinzo Abe |
| Voorafgegaan deur | Osamu Fujimura |
| Opgevolg deur | Katsunobu Katō |
Minister vir Binnelandse Sake en Kommunikasie
| |
| Ampstermyn 29 September 2006 – 27 Augustus 2007 | |
| Eerste minister | Shinzo Abe |
| Voorafgegaan deur | Heizō Takenaka |
| Opgevolg deur | Hiroya Masuda |
Lid van die Huis van Verteenwoordigers vir Kanagawa se 2de-distrik
| |
| Ampsbekleër | |
| Termynaanvang 20 Oktober 1996 | |
| Voorafgegaan deur | Kiesafdeling geskep |
Persoonlike besonderhede
| |
| Gebore | 6 Desember 1948 |
| Politieke party | Liberale Demokratiese Party |
| Eggenoot/-note | Mariko Suga |
| Kind(ers) | 3 |
| Alma mater | Hosei-universiteit (LLB) |
Yoshihide Suga (菅 義偉 Suga Yoshihide?, gebore 6 Desember 1948) is 'n Japannese politikus wat vanaf 16 September 2020 tot 4 Oktober 2021 as die Eerste minister van Japan het. Hy is op 14 September 2020 tot president van die Liberale Demokratiese Party verkies en op 16 September 2020 deur die Kokkai as eerste minister. Suga was die eerste Eerste Minister van die Reiwa-tydperk.
Biografie
[wysig | wysig bron]Suga is tot 'n familie van aarbeiboere in Ogachi (nou Yuzawa), 'n landelike gebied in die Akita-prefektuur, gebore. Hy het na Tokio verhuis nadat hy aan Hoërskool Yuzawa gematrikuleer het. Hy het aandskool bygewoon om 'n regsgraad van die Hosei Universiteit in 1973 te verwerf.[1][2] Suga het Hosei gekies "omdat dit die goedkoopste opsie was wat beskikbaar was" en hy het "in 'n kartonfabriek in Tokio gewerk om sy onderrig te betaal".[3]
Politieke loopbaan
[wysig | wysig bron]Nadat hy universiteit klaargemaak het, het Suga aan 'n Huis van Raadslede (hoërhuis) verkiesingsveldtog gewerk en daarna het hy vir elf jaar as LDP-parlementslid Hikosaburo Okonogi, pa van die LDP-politikus Hachiro Okonogi, se sekretaris gewerk. Suga het in Oktober 1986 uit dié pos bedank om sy eie loopbaan in die politiek te volg.[4] Hy is in 1987 tot die Jokohama-stadsraad verkies.[5][6]
Suga is in 1996 as verteenwoordiger vir Kanagawa se 2de-distrik tot die Kokkai verkies. Hy is in November 2005 deur Eerste Minister Junichiro Koizumi as die Senior Viseminister vir Binnelandse Sake en Kommunikasie aangestel. Hy is in September 2006 bevorder tot Minister van Binnelandse Sake en Kommunikasie en Minister vir Privatisering van die Posdienste in die eerste Shinzo Abe-kabinet, en het in Desember 2006 die portefeulje van Minister van Staat vir Desentralisasiehervorming oorgeneem.[5] In Oktober 2011 is Suga as voorsitter van die LDP se organisasie en veldtoghoofkwartier aangewys. In September 2012 is hy as die uitvoerende hoof in die kantoor van die waarnemende sekretaris-generaal van die LDP aangewys.[5]
Na Eerste minister Shinzo Abe se oorwinning in die algemene verkiesing van 2012, is Suga in Desember 2012 as hoofkabinetsekretaris in die tweede Abe-kabinet aangewys. In September 2014 het hy die bykomende portefeulje van minister in beheer van die verligting van die las van die basisse in Okinawa ontvang.[5]
Suga het plaaslike en internasionale roem verwerf toe hy die naam van die nuwe imperiale era, Reiwa, op 1 April 2019 aangekondig het, wat hom die bynaam "Oom Reiwa" (Reiwa Ojisan) besorg het.[7][8]
Eerste minister van Japan
[wysig | wysig bron]Na Abe se aankondiging dat hy as Eerste minister en as president van die LDP sou bedank, is Suga op 14 September 2020 as president die LDP verkies. Hy het met 377 stemme uit 'n totaal van 534 gewen.[9][10]
Op 3 September 2021 het Suga aangekondig dat hy nie vir herverkiesing as hoof van die LDP sou staan nie.[11] Hierdie aankondiging het gevolg nadat sy goedkeuringsgraderings op 'n algehele laagtepunt was (onder 30% in onlangse peilings), aangesien die land gesukkel het met sy ergste golf van COVID-19-infeksies voor die algemene verkiesing daardie jaar. Op 29 September 2021 is Fumio Kishida as partyleier verkies en hy het vir Suga op 4 Oktober 2021 as eerste minister van Japan opgevolg.[12][13]
Verwysings
[wysig | wysig bron]- ↑ Hashimoto, Goro (3 Julie 2019). "Suga Yoshihide: Japan's Next Prime Minister?". nippon.com (in Engels). Geargiveer vanaf die oorspronklike op 3 Julie 2019. Besoek op 28 Augustus 2020.
- ↑ Ryall, Julian (5 Mei 2019). "Who will lead Japan after Abe? Washington visit offers new clues". South China Morning Post (in Engels). Geargiveer vanaf die oorspronklike op 27 Augustus 2020. Besoek op 28 Augustus 2020.
- ↑ Shigeta, Shunsuke (12 Mei 2019). "How Abe's deputy Suga grew to power broker and possible successor". Nikkei Asian Review (in Engels (VK)). Geargiveer vanaf die oorspronklike op 31 Augustus 2020. Besoek op 28 Augustus 2020.
- ↑ プロフィール 菅義偉を語る人々. 内閣官房長官・衆議院議員 菅（すが）義偉 ホームページ (in Japannees). Geargiveer vanaf die oorspronklike op 1 September 2020. Besoek op 28 Augustus 2020.
- ↑ 5,0 5,1 5,2 5,3 "The Cabinet: Yoshihide SUGA". Prime Minister of Japan and His Cabinet. Geargiveer vanaf die oorspronklike op 29 Augustus 2020. Besoek op 28 Augustus 2020.
- ↑ "Can-Do Attitude Took Yoshihide Suga From Strawberry Fields to Japan's Pinnacle". www.wsj.com. The Wall Street Journal. 4 September 2020. Geargiveer vanaf die oorspronklike op 4 September 2020. Besoek op 4 September 2020.
- ↑ Osaki, Tomohiro; Murakami, Sakura (1 April 2019). "Reiwa: Japan reveals name of new era ahead of Emperor's abdication". The Japan Times Online (in Engels (VSA)). ISSN 0447-5763. Geargiveer vanaf die oorspronklike op 1 April 2019. Besoek op 1 April 2019.
- ↑ "Yoshihide Suga: The 'right-hand man' who became PM". BBC News. 16 September 2020. Geargiveer vanaf die oorspronklike op 17 September 2020. Besoek op 17 September 2020.
- ↑ "Yoshihide Suga Wins LDP Party Leadership Race With Overwhelming Support". JAPAN Forward (in Engels (VSA)). 14 September 2020. Geargiveer vanaf die oorspronklike op 16 September 2020. Besoek op 14 September 2020.
- ↑ "Yoshihide Suga set to become Japan's new PM". BBC News (in Engels (VK)). 14 September 2020. Geargiveer vanaf die oorspronklike op 20 September 2020. Besoek op 23 September 2020.
- ↑ "Yoshihide Suga to step down as Japan's prime minister". BBC News (in Engels (VK)). 3 September 2021. Geargiveer vanaf die oorspronklike op 4 September 2021. Besoek op 6 Oktober 2021.
- ↑ "Fumio Kishida wins race to become Japan's next prime minister". BBC News. 29 September 2021. Geargiveer vanaf die oorspronklike op 29 September 2021. Besoek op 29 September 2021.
- ↑ De Guzman, Chad (29 September 2021). "Fumio Kishida Is Set to Be Japan's New Prime Minister. Here's What to Expect From Him". Time. Geargiveer vanaf die oorspronklike op 29 September 2021. Besoek op 29 September 2021.
Eksterne skakels
[wysig | wysig bron]Wikimedia Commons het meer media in die kategorie Yoshihide Suga.
| Hierdie artikel is in sy geheel of gedeeltelik vanuit die Engelse Wikipedia vertaal. |
