Vlag van Mauritanië

Vlag van Mauritanië

Gebruik	Nasionale vlag en vaandel
Verhouding	2:3
Goedgekeur	6 Augustus 2017
Ontwerp	Twee rooi strepe wat ’n groen veld flanker met ’n ster en halfmaan in die middel.

Die nasionale vlag van Mauritanië is op 6 Augustus 2017 amptelik in gebruik geneem. Die vlag vertoon twee rooi strepe wat ’n groen veld flanker met ’n geel vyfpuntige ster en halfmaan in die middel van die vlag. Die rooi, groen en geel is drie van die Pan-Afrika kleure.

Die kleure en simbole van die Mauritaanse vlag verbind die land met Afrika en Islam. Rooi, groen en geel is drie van die Pan-Afrika kleure en die halfmaan en ster is tradisionele simbole van die Islamitiese geloof. Sommige skrywers meen dat groen ’n helder toekoms en groei kan voorstel,^[1] geel die sand van die Saharawoestyn en rooi die bloed in die stryd om Mauritanië se onafhanklikheid van Frankryk.

Die huidige vlag is op 6 Augustus 2017 aanvaar en die oorspronklike ontwerp dateer van 1 April 1959. Dit is onder instruksie van Moktar Ould Daddah bekend gestel,^[2] en is bekragtig in die grondwet van 1959.

Wikimedia Commons bevat media in verband met Vlae van Mauritanië.

• (en) Mauritanië by Flags of the World.
• (en) "Flag of Mauritania". Encyclopædia Britannica. Besoek op 14 Mei 2019.