Teahupoo
Teahupoo Teahupo'o | |
|---|---|
Dorp | |
 Die groot branders van Teahupoo. | |
| Koördinate: 17°50′50″S 149°16′2″W / 17.84722°S 149.26722°W | |
| Land |  Frankryk  Tahiti |
| Distrik | Teahupo'o |
Teahupoo of Teahupoʻo is ’n dorp aan die suidweskus van die eiland Tahiti, Frans-Polinesië, in die suidelike Stille Oseaan.[1] Dit is bekend vir sy groot, gevaarlike branders wat 2 tot 3 meter hoog kan word – en soms tot 7 meter hoog. Die jaarlikse Billabong Pro-branderrykompetisie word hier gehou wat deel is van die wêreldbranderrykampioenskap. Die lyfplankryers Mike Stewart en Ben Severson was in 1986 die eerste mense wat Teahupoo gery het. Dit het gou ’n gewilde terrein geword onder avontuurlustige lyfplankryers. Min professionele branderplankryers het Teahupoo in die vroeë 1990's gery – dit was eers in 1998, by die Gotcha Tahiti Pro, dat Teahupoo algemeen erken is as die plek met die grootste branders ter wêreld. Op 17 Augustus 2000 was Laird Hamilton die mens wat die "grootste brander" ooit gery het.[1] In 2003 het wyle Malik Joyeux een van die grootste branders gery.
Eienskappe
[wysig | wysig bron]Teahupoo is ’n reef break. Die branders breek meestal links, maar daar is ook regsbrekers waarvoor ryers versigtig moet wees. Dit word algemeen beskou as noodsaaklike branders om aan te durf vir adrenalienvrate. Net topfikse, ervare ryers behoort dit egter te waag; groot branders en ’n vlak kuslyn kan groot beserings en selfs die dood veroorsaak.
Teahupoo se legendariese reputasie is deels te wyte aan sy unieke vorm. Die uiters vlak koraalrif, wat tot net 51 cm onder die wateroppervlak kan wees, het ’n spesifieke vorm wat ’n baie hol brander veroorsaak[2] wat feitlik onder die seevlak breek. Dit skep ’n onstabiele brander,[3] waarvan die punt dikwels net so breed is as wat dit hoog is.[1]
Sterftes by Teahupoo
[wysig | wysig bron]Teahupoo word gelys onder Transworld Surf se top-10 dodelikste branderryplekke met wat dikwels die "swaarste branders in die wêreld" genoem word.[1][4] Die naam word losweg vertaal as "om die kop af te sny" of "plek van skedels".[4][5]
Sedert 2000 is vyf sterftes by Teahupoo aangemeld.[6] Die bekendste was dié van die plaaslike Tahitiaanse branderplankryer Briece Taerea in 2000, net ’n week voor die jaarlikse Billabong Pro-kompetisie.[1][7]
Verwysings
[wysig | wysig bron]- ↑ 1,0 1,1 1,2 1,3 1,4 Jason Borte (Januarie 2001). "Teahupoo History". Surfing A-Z web site (in Engels). Geargiveer vanaf die oorspronklike op 19 Oktober 2008. Besoek op 1 Desember 2010.
- ↑ "Tahitian Dreams" (in Japannees). Red Bull TV. Geargiveer vanaf die oorspronklike op 18 Augustus 2014. Besoek op 11 November 2011.
- ↑ "Teahupoo - Anatomy Of A Monster" (in Engels). SurfingAtlas.com. Geargiveer vanaf die oorspronklike op 9 September 2019. Besoek op 11 November 2011.
- ↑ 4,0 4,1 Brower, Ryan (2008). "The Top 10 Deadliest Waves".
- ↑ "Local Knowledge - Billabong Pro Tahiti". Billabong Pro. 2011. Geargiveer vanaf die oorspronklike op 22 Februarie 2014. Besoek op 11 November 2011.
- ↑ McDonald, Margie (16 Augustus 2010). "Teahupoo hopefuls faced with huge swell". The Australian. Besoek op 11 November 2011.
- ↑ "Surfing Archived Stories" (in Engels). Geargiveer vanaf die oorspronklike op 22 Augustus 2016. Besoek op 11 November 2011.
Eksterne skakels
[wysig | wysig bron]- Teahupoo op 2 November 2007 Foto's.
- Ujusansa-fotoverhaal van Laird Hamilton op 17 Augustus 2000 Geargiveer 11 April 2014 op Wayback Machine
- Foto's van branders by Teahupoo deur Tim McKenna Geargiveer 7 November 2016 op Wayback Machine
- Tahiti Time: 'n Unieke blik op Teahupoo
Wikimedia Commons het meer media in die kategorie Teahupoo.
Hierdie artikel is vertaal uit die Engelse Wikipedia
