Regent Street

Regent Street is een van die grootste winkelstrate in Londen se West End-winkeldistrik en 'n trekpleister vir sowel Londenaars asook toeriste. Die straat, wat onder meer vir sy kersfeesligte bekend staan, is vernoem na die Prinsregent en latere koning George IV en word algemeen verbind met die argitek John Nash (1752-1835). Nash se oorspronklike straatuitleg het tot vandag bewaar gebly, alhoewel sy geboue (met uitsondering van All Souls Church) intussen vervang is.

Regent Street is in 1825 voltooi en was 'n vroeë voorbeeld van Engelse stadsbeplanning. Dit loop dwarsdeur die 17de en 18de eeuse straatuitleg, vanaf die Regent se woning in Carlton-huis in St James's aan sy suidelike einde, deur Piccadilly Circus en Oxford Circus tot by All Souls Church. Van daar word die roete deur Langham Place en Portland Place tot Regent's Park voortgesit.

Elke gebou in Regent Street word as listed building beskerm en het tenminste Graad II-status. Die geboue vorm in hul geheel die Regent Street-bewaringsgebied (Regent Street Conservation Area).