Radiohead

Radiohead
Radiohead (v.l.n.r.): Thom Yorke, Jonny Greenwood, Colin Greenwood, Ed O'Brien en Phil Selway
Genres	Alternatiewe rock
Jare aktief	1991 — hede
Etikette	Parlophone, Capitol (1992–2005) XL, TBD (2007 — hede)
Assosiasies	Thom Yorke
Webwerf	www.radiohead.com

Radiohead (Afrikaans: Radiokop) is 'n Engelse musiekgroep van Oxfordshire. Die groep bestaan uit Thom Yorke (voorsang, ritmiese kitaar, klavier, elektroniese), Jonny Greenwood (hoofkitaar, ander instrumente), Ed O'Brien (kitaar, agtergrondsang), Colin Greenwood (baskitaar, sintetiseerders) en Phil Selway (tromme, perkussie). Radiohead het altesame agt albums vrygestel en 23 miljoen kopieë verkoop.^[1]

Radiohead het hul eerste enkelsnit, "Creep", in 1992 vrygestel en hul debuutalbum, Pablo Honey, in 1993. "Creep" was aanvanklik onsuksesvol, maar het 'n jaar ná die eerste vrystelling 'n treffer geword toe dit heruitgereik is. Radiohead se gewildheid in die Verenigde Koninkryk het toegeneem na die vrystelling van hul tweede album, The Bends, in 1995. Die groep se tekstuurryke kitaaratmosfere en Yorke se falsetto-sang is goed deur kritici en aanhangers ontvang. Met die vrystelling van OK Computer in 1997, het Radiohead wêreldwyd nog meer bekend geraak. OK Computer is al as 'n kenmerkende album van die 1990's geklassifiseer weens die uitgebreide klank en temas van vervreemding van die moderne wêreld.

Die vrystelling van Kid A in 2000 en Amnesiac in 2001 het Radiohead tot die piek van hul gewildheid gedryf. Die albums is egter met gemengde kritiek ontvang. Hierdie periode het 'n verandering in Radiohead se styl meegebring, met die inbring van avant-garde elektroniese musiek, Krautrock en jazz in hul werke. Radiohead se sesde album, Hail to the Thief, wat in 2003 uitgereik is, het verskillende ou style van die groep vervoeg. Hierdie style sluit in kitaargedrewe rock, elektroniese, en kontemporêre lirieke. Met die uitreiking van hul sewende album, In Rainbows, in 2007, het Radiohead hul platemaatskappy in die pad gesteek en die album self deur hul webwerf versprei. Aflaaiers kon hul eie prys kies wat hulle wou betaal, en kon dit selfs gratis aflaai as hulle so sou verkies.

• Pablo Honey (1993)
• The Bends (1995)
• OK Computer (1997)
• Kid A (2000)
• Amnesiac (2001)
• Hail to the Thief (2003)
• In Rainbows (2007)
• The King of Limbs (2011)
• A Moon Shaped Pool (2016)

• Hierdie teks is 'n gedeeltelike vertaling vanuit hierdie Wikipedia-artikel. (en)
• Randall, Mac. Exit Music: The Radiohead Story. 2000. ISBN 0-385-33393-5
• Clarke, Martin. Radiohead: Hysterical and Useless. 2000. ISBN 0-85965-332-3

• Doheny, James. Radiohead: Back to Save the Universe. 2002. ISBN 0-8264-1663-2
• Footman, Tim. Welcome to the Machine: OK Computer and the Death of the Classic Album. 2007. ISBN 1-84240-388-5
• Griffiths, Dai. Radiohead's OK Computer (33⅓ series). 2004. ISBN 1-56025-398-3
• Johnstone, Nick. Radiohead: An Illustrated Biography. 1997. ISBN 0-7119-6581-1
• Paytress, Mark. Radiohead: The Complete Guide to their Music. 2005. ISBN 1-84449-507-8
• Tate, Joseph (ed). The Music and Art of Radiohead. 2005. ISBN 0-7546-3979-7

Wikimedia Commons bevat media in verband met Radiohead.

• Amptelike webwerf
• MySpace-profiel