Roger Moore

	Roger Moore
	Roger Moore in 1973
Geboortenaam	Roger George Moore
Geboorte	14 Oktober 1927; Stockwell, Londen, Engeland
Sterfte	23 Mei 2017 (op 89); Crans-Montana, Valais/Wallis, Switserland
Nasionaliteit	Brits
Ouers	Lillian "Lily" (née Pope) en George Alfred Moore
Lewensmaat	Doorn van Steyn (∞ in 1946; geskei in 1953) Dorothy Squires (∞ in 1953; geskei in 1968) Luisa Mattioli (∞ in 1969; geskei in 1996) Kristina Tholstrup (∞ in 2002)
Kinders	Drie
Aktiewe jare	1945–2017
Webwerf	roger-moore.com

Sir Roger George Moore KBE ([mɔər]; * 14 Oktober 1927, † 23 Mei 2017) was 'n Engelse akteur. Gedurende sy loopbaan, wat oor sewe dekades gestrek het, het hy - naas rolle in televisiereekse soos The Saint (as Simon Templar, tussen 1962 en 1969) en The Persuaders - veral bekendheid verwerf as Britse geheime agent James Bond. Hy was die derde akteur ná Sean Connery en George Lazenby wat dié rol vertolk het. Tussen 1973 en 1985 het hy sewe keer as Bond op die silwerdoek verskyn.

Roger Moore het baie van sy tyd aan humanitêre werk gewy, onder meer as Unicef-ambassadeur (sedert 1991). Vir sy bydraes tot liefdadigheidsdienste is Moore in 2003 deur koningin Elizabeth II tot ridder geslaan. Tot sy afsterwe het Roger Moore in Crans-Montana in die Switserse kanton Valais/Wallis en in Monaco gebly nadat hy jare lank 'n chalet in Gstaad (kanton Bern) bewoon het. In Switserland het Moore verskeie kere opgetree in advertensieveldtogte vir groot Switserse ondernemings, waaronder SBB (Switserse Federale Spoorweë) en die lugredery Swiss.^[2]

Op 23 Mei 2017 het Roger Moore se kinders in hul amptelike Twitter-rekening bekend gemaak dat die akteur "ná 'n kort en dapper stryd teen kanker" in sy huis in Switserland oorlede is.^[3]^[4] Hy word oorleef deur sy vrou, Kristina Tholstrup, en drie kinders.

Verwysings

↑ "James Bond-legende sterf" (Webartikel). Maroela Media. Geargiveer vanaf die oorspronklike op 7 November 2019. Besoek op 23 Mei 2017.
↑ www.toponline.ch, 23 Mei 2017: Bond-Darsteller Roger Moore ist in der Schweiz gestorben. Besoek op 23 Mei 2017^{[dooie skakel]}
↑ The Guardian, 23 Mei 2017: Roger Moore – Saint, Persuader and the suavest James Bond – dies aged 89. Besoek op 23 Mei 2017
↑ The Washington Post, 23 Mei 2017: Roger Moore, suave actor who held James Bond role the longest, dies at 89. Besoek op 23 Mei 2017

Eksterne skakels

Peter Bradshaw: Roger Moore: a modest, self-deprecating James Bond who brought some serious aplomb. In: The Guardian, 23 Mei 2017

[maroela-1] "James Bond-legende sterf" (Webartikel). Maroela Media. Geargiveer vanaf die oorspronklike op 7 November 2019. Besoek op 23 Mei 2017.

[2] www.toponline.ch, 23 Mei 2017: Bond-Darsteller Roger Moore ist in der Schweiz gestorben. Besoek op 23 Mei 2017^{[dooie skakel]}

[3] The Guardian, 23 Mei 2017: Roger Moore – Saint, Persuader and the suavest James Bond – dies aged 89. Besoek op 23 Mei 2017

[4] The Washington Post, 23 Mei 2017: Roger Moore, suave actor who held James Bond role the longest, dies at 89. Besoek op 23 Mei 2017

[1]

[2]

[3]

[4]