Panke
| Panke | |
|---|---|
 | |
 Die stroomgebied van die Panke. | |
| Oorsprong | Pankeborn naby Bernau bei Berlin |
| Monding | Berlyn (Spreerivier) |
| Stroomgebied |  Duitsland
|
| Lengte | 29 km (18 myl) |
| Oorspronghoogte | 69 m (226 voet) |
| Mondinghoogte | 36 m (118 voet) |
| Gemiddelde afloop | 660 l/s (23 311 ft³/s) |
| Stroomgebiedopp. | 201 km² (78 myl²) |
Die Panke is 'n klein tot middelgroot rivier in die Duitse deelstate Brandenburg en Berlyn. Dit mond as Berlyn se derde grootste rivier in die Spree uit. Die Panke het 'n lengte van 29 kilometer, waarvan 20,2 kilometer op Berlynse stadsgebied. Sy stroomgebied beslaan sowat 200 km², waarvan 46,8 km² in Berlyn. Die Brandenburgse nedersetting Panketal en die stadsdeel Pankow in die gelyknamige administratiewe distrik van Berlyn is na die rivier vernoem.
Vir Bernau bei Berlin verwys reeds 14de eeuse dokumente na die rivier. Die vestinggragte van dié middeleeuse Brandenburgse stad is met Pankewater gevloed. Bernau se bekende swartbier is eweneens van Pankewater gebrou.
Die deling van Berlyn het ook die Panke se rivierloop geraak wat tussen Pankow in Oos- en Wedding in Wes-Berlyn deur die Berlynse Muur in twee dele gesny is. Die natuurlike rivierloop word tans herstel, en langs sy oewers het wandelpaaie ontstaan.