Sid Atkinson
Sidney Atkinson (1901–1977) was 'n Suid-Afrikaanse atleet. Hy was die wenner van die goue medalje in die 110 m-hekkies vir mans by die Olimpiese Spele in 1928 in Amsterdam, asook die silwermedalje in dieselfde item in 1924 in Parys.[1]
Sidney James Montford "Sid" Atkinson is op 14 Maart 1901 in Durban gebore. Hy word in 1922 internasionaal bekend nadat hy die 110 m-hekkies in 15,2 en die 400 m-hekkies in 56,5 sekondes hardloop. Hy was ook 'n kranige verspringer.[2]
Op die Olimpiese Somerspele 1924 eindig hy tweede, net agter die Amerikaner Daniel Kinsey (goud) en voor die Sweed Sten Pettersson (brons). By die volgende Olimpiese Spele wen hy goud deur die Amerikaanse wêreldrekordhouer, Steve Anderson, te verslaan, wat tweede geëindig het.
Hy sterf op 31 Augustus 1977 in Durban.
Persoonlike rekords
[wysig | wysig bron]| Item | Prestasie | Jaar |
|---|---|---|
| 110 m-hekkies | 14,7 s | 1928 |
| Verspring | 7,34 m | 1925 |
Medaljes
[wysig | wysig bron]- 1924
Olimpiese Somerspele - 15,0 s
- 1928
Olimpiese Somerspele - 14,8 s
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Sid Atkinson Geargiveer 30 Augustus 2011 op Wayback Machine. sports-reference.com
Eksterne skakels
[wysig | wysig bron]Wikimedia Commons het meer media in die kategorie Sid Atkinson.
