Nikkelarsenied

Eienskappe

Algemeen
Naam	Nikkelarsenied
Chemiese formule	NiAs
Molêre massa	133,62 [g/mol] [1]
CAS-nommer	27016-75-7[1]
Voorkoms	vastestof [1]
Fasegedrag
Selkonstantes	a= 361,9pm; 504,4pm[2]
Ruimtegroep	P63/mmc
Nommer	194
Strukturbericht	B8₁
Smeltpunt	967 °C[1]
Kookpunt
Digtheid	7,2 [g/cm3][1]
Oplosbaarheid	onoplosbaar
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Nikkelarsenied is 'n verbinding van nikkel en arseen met die formule NiAs.

Dit kom in die natuur as die mineraal nikkelien voor en is in beginsel 'n nikkelerts.^[3] Hierdie erts word nogtans min ontgin omdat dit die toksiese element arseen vry sou stel. Nikkelmetaal word baie as katalisator gebruik, maar die teenwoordigheid van arseen vergiftig hierdie katalisators deurdat dit nikkelarseniede vorm. ^[4]

Nikkelarsenied kristalliseer in 'n heksagonale struktuur wat die argetipe van die B8₁-struktuur van die strukturbericht-klassifikasie is. Baie 1:1 sulfiede en legerings het hierdie struktuurtipe, soos AuSn, CoTe, CrSe, CuSn, FeS, IrS, MnAs, NiSn, PdSb, PtB, RhSn, VP en ZrTe^[2] Die struktuur bestaan uit lae met 'n heksagonale digpakking van arseenatome met nikkelatome in die oktaëderholtes tussen die lae. ^[5]Nikkel het 'n oktaëdriese koördinasie; arseenatome het 'n trigonale prisma van nikkelbure.

Dit het vanweë sy toksiese eienskappe min gebruike.^[4] Daar is 'n Amerikaanse patent wat die gebruik om metaal uit koolwaterstofstrome te verwyder beskryf.^[6]