Northanger Abbey
Northanger Abbey
| |
|---|---|
| Skrywer | Jane Austen |
| Land |  Verenigde Koninkryk |
| Taal | Engels |
| Genre | Roman |
| Uitgewer | John Murray |
| Uitgegee | Desember 1817 |
| Medium | Druk (gebind & sagteband) |
| ISBN | 978-0-14-143979-2 |
| Voorloper | Emma |
| Vervolg | Persuasion |
Northanger Abbey is 'n roman deur Jane Austen geskryf wat postuum gepubliseer is in 1817. Dit was alreeds in 1803 gereed vir publikasie, en is aan 'n Londense boekeverkoper verkoop vir £10, om onder die titel Susan gepubliseer te word. Die boekeverkoper het egter teen publikasie besluit en het die roman in 1816 terugverkoop aan die skrywer se broer, Henry Austen, vir dieselfde bedrag geld, op daardie stadium onwetend dat Austen toe alreeds vier baie populêre romans gepubliseer het. Austen het die roman hersien met die oog daarop om dit aan 'n ander drukkery te verkoop, maar sy is oorlede voordat daardie plan suksesvol deurgevoer kon word. Haar broer het uiteindelik gereël vir die roman se publikasie, en ook die nuwe titel, Catherine, wat sy vir die hersiene roman gekies het verwerp ten gunste van Northanger Abbey.
Daar is prominente Gotiese elemente in die roman, en hierdeur ondersoek dit die gevare van fiksie en realiteit met mekaar verwar. Die konvensionele Austen-temas wat kyk na 'n jong dame se weerlose posisie in die Britse burgerlike samelewing is ook teenwoordig.
Eksterne skakels
[wysig | wysig bron]Wikimedia Commons het meer media in die kategorie Northanger Abbey.
Normdata  |
|
|---|