Middelnederduits
| Middelnederduits | ||
|---|---|---|
| Gepraat in: | Gebiede van die Hanseverbond in Noord-Duitsland, Oosseekusgebied en Europese Noordseekusgebied | |
| Gebied: | Noord-Europa | |
| Totale sprekers: | ||
| Taalfamilie: | Indo-Europees Germaans Wes-Germaans Middelnederduits | |
| Taalkodes | ||
| ISO 639-1: | geen | |
| ISO 639-2: | —
| |
| ISO 639-3: | — | |
| Nota: Hierdie bladsy kan IFA fonetiese simbole in Unicode bevat. | ||
Middelnederduits is die taal wat uit Oudnederduits ontstaan het en as die voorloper van moderne Nederduits beskou word. Dit was die gesproke taal van Noord-Duitsland, die skryftaal van die Hanse het gedien as die internasionale lingua franca van die Hanseverbond. Buurtale was Middelnederlands in die weste en Middelhoogduits in die suide, Slawiese tale in die ooste en Deens in die noorde. Dit is van omtrent 1100 tot 1600 gepraat.
As gevolg van die taal se rol as lingua franca van die Hanseverbond het dit 'n beduidende invloed op tale van Noord-Europa gehad. Die invloed sluit in talle leenwoorde in verskeie tale soos Sweeds, Fins, Russies en die Baltiese tale.[1][2] Dit het verder ook bygedra tot morfologiese vereenvoudiging van die Middel-Skandinawiese tale wat ontwikkel het tot moderne Sweeds, Deens en Noors. Die vereenvoudingings sluit in die verlies in verbuiging in die Vasteland Skandinawiese tale.[3]
Verwysings
[wysig | wysig bron]- ↑ George Thomas, Middle Low German Loanwords in Russian
- ↑ The Linguist List, The Middle Low German Language Geargiveer 2 Maart 2008 op Wayback Machine, Besoek op 30 Maart 2008
- ↑ NORDE M, Middle Low German-Middle Scandinavian language contact and morphological simplification / Contact entre moyen-bas-allemand et langue scandinave et simplification morphologique[dooie skakel], Besoek op 30 Maart 2008
Eksterne skakels
[wysig | wysig bron]Wikiwoordeboek het 'n inskrywing vir Middelnederduits.
