Mitridates I van Partië

Mitridates I 𐭌𐭄𐭓𐭃𐭕
Koning van konings, arsakes, filhelleen
Mitridates I se portret op die voorkant van 'n tetradragme. Hy het 'n baard en dra 'n Hellenistiese koninklike kopband.
Koning van die Partiese Ryk
Heerskappy	171-132 v.C.
Voorganger	Fraates I
Opvolger	Fraates II
Oorlede	132 v.C.
Dinastie	Arsakiede
Vader	Priapatius
Religie	Zoroastrisme

Mitridates I (Parties: 𐭌𐭄𐭓𐭃𐭕, Mihrdāt), ook bekend as Mitridates die Grote,^[1] was van 171 tot 132 v.C. die Arsakidiese koning van die Partiese Ryk.

Gedurende sy bewind is Partië omskep van 'n klein koninkryk tot 'n groot politieke mag in die antieke Nabye Ooste danksy sy oorwinnings.^[2] Hy het eers iewers in 163-155 v.C. Aria, Margiana en Wes-Baktrië verower en toe, in 'n oorlog met die Seleukidiese Ryk, Medië en Atropatene. In 141 v.C. het hy Babilonië verower en 'n amptelike inhuldigingseremonie in Seleukië gehou. Die koninkryke Elymais en Charakene het kort daarna Partiese vasale geword.

Mitridates I was die eerste Partiese koning wat die antieke Achaemenidiese titel koning van konings aangeneem het. Dansy sy suksesse is hy al vergelyk met Kores die Grote (bewind: 550-530 v.C.), stigter van die Achaemenidiese Ryk.^[3] Mitridates I is in 132 v.C. dood; hy is opgevolg deur sy seun Fraates II.

• Daryaee, Touraj (2016). "From Terror to Tactical Usage: Elephants in the Partho-Sasanian Period". In Curtis, Vesta Sarkhosh; Pendleton, Elizabeth J.; Alram, Michael; Daryaee, Touraj (reds.). The Parthian and Early Sasanian Empires: Adaptation and Expansion. Oxbow Books. ISBN 9781785702082.
• Frye, Richard Nelson (1984). The History of Ancient Iran. C.H.Beck. pp. 1–411. ISBN 9783406093975.
• Katouzian, Homa (2009), The Persians: Ancient, Medieval, and Modern Iran, New Haven & Londen: Yale University Press, ISBN 978-0-300-12118-6 

• Hierdie artikel is in sy geheel of gedeeltelik uit die Engelse Wikipedia vertaal.