Metacritic
| Metacritic | |
|---|---|
| |
| URL | Metacritic.com
|
| Kommersieel? | Ja |
| Soort webwerf | Resensies |
| Registrasie | Gratis/subskripsie |
| Eienaar | CBS Interactive (CBS Corporation) |
| Geskep deur | |
| Gelanseer | 1998 |
| Huidige status | Aanlyn |
Metacritic is ’n webtuiste met resensies van rolprente, musiekalbums, videospeletjies en televisieprogramme (voorheen ook boeke). ’n Persentasie word aan elke resensie van ’n produk toegeken en die gemiddeld bereken. ’n Uittreksel van elke resensie word verskaf, saam met ’n skakel na die bron. Drie kleurkodes – groen, geel en rooi – som die resensente se aanbeveling op en gee ’n idee van die algemene mening van resensente en, in ’n mindere mate, die publiek.
Dit word beskou as die videospelbedryf se beste versameling resensies.[1][2] Metacritic se speletjieredakteur, Marc Doyle, het in ’n onderhoud in The Guardian gesê omdat videospeletjies so ’n groot belegging is, is spelers meer ingelig oor resensies as rolprent- of musiekaanhangers. Hulle wil weet of daardie produk waarop almal so gretig gewag het, aan die verwagtinge voldoen.[3]
Puntetoekenning
[wysig | wysig bron]Metacritic ken aan elke resensie ’n persentasie toe, met inagneming van die resensent se aansien. Baie webtuistes gee ’n telling uit 5, 10 of 100, of ’n alfabetiese gradering. Metacritic werk dit om in ’n persentasie. Vir resensies sonder enige duidelike telling, soos dié van The New York Times, neem Metacritic die toon van die resensie in ag en ken dan daarvolgens ’n punt toe.
Die telling vir speletjies, rolprente, TV-programme en musiek werk soos volg:[4]
| Aanduiding | Videospeletjies | Rolprente/TV/musiek | |
|---|---|---|---|
| Algemeen gunstig | 90–100 | 81–100 | |
| Gewoonlik gunstig | 75–89 | 61–80 | |
| Gemeng of gemiddeld | 50–74 | 40–60 | |
| Gewoonlik ongunstig | 20–49 | 20–39 | |
| Algemeen ongewild | 0–19 | 0–19 | |
Verwysings
[wysig | wysig bron]- ↑ "OpenCritic's Gamer-Centric Style Is Everything Metacritic Should Have Been" (in Engels). Geargiveer vanaf die oorspronklike op 3 Maart 2016.
- ↑ Mike Rose. "Gamasutra - Metacritic is here to stay, but can we fix it?" (in Engels). Geargiveer vanaf die oorspronklike op 5 Maart 2020.
- ↑ Keith Stuart (17 Januarie 2008). "Interview: the science and art of Metacritic". The Guardian (in Engels). Geargiveer vanaf die oorspronklike op 12 Februarie 2020. Besoek op 15 Februarie 2008.
- ↑ "How We Create the Metascore Magic". Metacritic (in Engels). CBS Interactive Inc. Geargiveer vanaf die oorspronklike op 13 Junie 2020. Besoek op 13 Mei 2012.