Louis Joliet
| Louis Joliet | |
|---|---|
 Alfred Laliberté se standbeeld van Louis Joliet voor die parlementsgebou (Quebec) | |
| Bynaam(e) | Louie |
| Geboortedatum | 21 September 1645 |
| Geboorteplek | naby Quebecstad, Quebec, Nieu-Frankryk |
| Sterfdatum | 1700 (54–55 jaar oud) |
| Sterfplek | Parys, Frankryk |
| Lojaliteit |  Nieu-Frankryk
|
| Familie | Jacque Jolliet (vader) |
Louis Joliet - ook Jolliet - (21 September 1645 - 1700) was 'n Franse ontdekkingsreisiger en pelshandelaar. Hy is gebore in Quebec en het gestudeer as 'n priester. In 1692 word hy egter 'n pelshandelaar - ook bekend as Coureur de bois - en verlaat Ouebec. Hy bevriend die Indiane asook die sendelinge wat tussen hulle werksaam is. In 1670 word hy saam met Simon Francois Daumont St. Lusson gestuur na die Groot Mere om koper te probeer vind. By Sault Ste. Marie het St. Lusson, in die teenwoordigheid van 'n klomp Indiane, besit geneem van die Bowe- en Huronmere in die naam van die Franse Koning.
Soektog na die mond van die Mississippirivier
[wysig | wysig bron]Die Jesuïete was begerig om die land verder suidwaarts te verken en om die monding van die Mississippirivier te vind. Op daardie stadium het hulle geglo dat die monding in die Suidsee was, soos die Stille Oseaan op daardie stadium bekend was, en deur Vasco Núñez de Balboa genoem was. In 1672 was Jolliet deur Goerwerneur Frontenac aangewys om so ekspedisie te lei.
In 1673 vertrek hy en Jacques Marquette, 'n mede Jesuïet, vanaf Quebec om die Mississippirivier te herontdek en te verken. Hulle doel was ook om land in die naam van Lodewyk XIV van Frankryk te annekseer. Die ekspedisie het uit sewe man bestaan wat met twee kano's gereis het. Hulle kruis die boonste gedeelte van Michiganmeer en draai suidwaarts by die westelike oewer tot by Green Bay, Wisconsin. Hiervandaan volg hulle die Foxrivier teen die vloei tot by sy waterskeiding. Hulle het vir 'n kort wyle by De Père gestop by die St. Francis sendingskerk. Hiervandaan het hulle die kano's vir 'n paar kilometer gedra tot by die Wisconsinrivier. Mascouten Indiane het opgetree as gidse. Hulle het die vloei van die Wisconsinrivier gevolg tot in die Mississipirivier wat hulle weer gevolg het tot waar die Arkansasrivier uitmond in die Mississipi.
Hulle was oortuig dat die Mississipi uitmond in die Golf van Meksiko en draai om. Hulle keer terug via die Illinoisrivier tot by Green Bay, dra die kano's tot by die Michiganmeer en vaar na Sturgeon's Bay, Wisconsin. Marquette terugkeer na De Père en Jolliet gaan na Montreal om verslag te doen oor hulle bevindinge. Op pad terug volg hy die Sint-Laurensrivier en in die stroomversnellings net bokant Montreal val hy met sy kano om en verloor al sy kaarte en notas. Hy kon egter die meeste van die kaarte herkontrueer en word ge-eer vir sy prestasie. In 1680 gee die Franse regering Anticosti-eiland aan hom. Die eiland is geleë by die monding van die Sint-Laurensrivier. Die Britte neem egter die eiland in 1691 oor.
Bron
[wysig | wysig bron]- Collier's Encyclopedia, Crowell-Collier Educational Corporation, Volume 13, Bladsy 620.
