Orlando: A Biography
Orlando: A Biography
| |
|---|---|
| Skrywer | Virginia Woolf |
| Land |  Verenigde Koninkryk |
| Taal | Engels |
| Genre | Roman |
| Uitgewer | Hogarth Press |
| Uitgegee | 11 Oktober 1928 |
| Medium | Druk (gebind & sagteband) |
| Bladsye | 134 |
| ISBN | 978-0-15-670160-0 |
| Voorloper | To the Lighthouse |
| Vervolg | The Waves |
Orlando: A Biography is 'n roman deur Virginia Woolf geskryf wat die eerste keer in 1928 gepubliseer is. Die roman se inspirasie is afkomstig van die familiegeskiedenis van Woolf se vriendin en minnares Vita Sackville-West, en bied die leser op 'n toeganklike manier 'n oorsig van Engelse letterkunde in satiriese vorm. Dit beskryf die biografie van 'n protagonis wat honderde jare lank leef en sodoende al die sleutelfigure in die Engelse literatuurgeskiedenis ontmoet.
Verder is dit noemenswaardig dat Orlando middeweg deur die roman 'n metamorfose ondergaan en van manlike na vroulike geslag verander. Hierdie roman is een van die sleuteltekste in literêre feminisme, en word ook hoog aangesien deur navorsers wat studies doen oor transgender aangeleenthede.
'n Gelyknamige rolprentverwerking van Woolf se roman is in 1992 vrygestel, met Tilda Swinton as Orlando en Quentin Crisp wat die rol van Koningin Elizabeth I vertolk.
