Jim Janssen van Raaij

Jim Janssen van Raaij
Janssen van Raaij in 1986
Lid van die Tweede Kamer
Ampstermyn 23 Mei 2002 – 30 Januarie 2003
Lid van die Europese Parlement
Ampstermyn 5 November 1986 – 20 July 1999
Ampstermyn 17 Julie 1979 – 24 Julie 1984
Persoonlike besonderhede
Gebore	James Leonard Janssen van Raaij 1 Junie 1932 Muntok, Nederlands-Indië
Sterf	11 Februarie 2010 (op 77) Den Haag, Nederland
Nasionaliteit	Nederland
Politieke party	LPF (2002–2008) EVPN (1996–1999) CDA (1980–1996) CHU (tot 1980)

James Leonard "Jim" Janssen van Raaij (1 Junie 1932, Muntok, Nederlands-Indië – 11 Februarie 2010, Den Haag) was 'n Nederlandse prokureur en politikus. Hy was 'n lid van die Europese Parlement vir die Christen-Demokratiese Appèl (CDA) en 'n lid van die Tweede Kamer van die State-Generaal vir die Lys Pim Fortuyn.

As tiener het Janssen van Raaij sy oorlogsaanhouding in die Japannese Tjihapit-kamp deurgebring. Hy het na die Tweede Wêreldoorlog in 1946 in Nederland aangekom. Tydens die vyftigerjare het hy sy loopbaan as 'n advokaat begin. In 1961 was hy betrokke by die stigting van die Vereniging van Kontrakspelers, 'n vakbond vir beroepsokkerspelers in Nederland.

Janssen van Raaij word 'n lid van die CHU en vorder tot nasionale sekretaris van die party. In hierdie pos was hy betrokke by die skepping van die CDA, en dien as die nasionale veldtogleier in die 1977-parlementsverkiesing. Tussen 1977 en 1979 het hy as 'n raadslid in die Rotterdam-stadsraad gedien.

Hy is in 1979 tot die Europese Parlement verkies. Hy neem 'n ruskans vanaf 1984 tot 1986 toe hy as president van die ICTO dien, waarna hy na die Europese parlement terugkeer. Tydens sy termyn in die Europese parlement was Van Raaij hoofsaaklik met regsake besig. In 1996 het hy uit die CDA bedank en as 'n onafhanklike lid tot die einde van sy termyn gedien.

In 1999 neem Janssen van Raaij aan die Europese verkiesing deel onder sy eie party, die Europese Kiesplatform Nederland (EVPN). Die party het 13 234 stemme behaal, 0,37% van die totaal, en het geen setel verower nie.

In 2002 sluit Janssen van Raaij by die Lys Pim Fortuyn aan. Hy was derde op die kandidatelys geplaas. Hy is verkies en op 23 Mei 2002 as 'n lid van die Tweede Kamer ingehuldig. Hy was lid van die presidium en ondervoorsitter van die staande komitee vir buitelandse sake. Hy was 'n presidentskandidaat vir die wetgewer, maar het net 23 uit 146 stemme verower. Voor die 2003-parlementsverkiesing het Janssen van Raaij sy aftrede aangekondig.

Janssen van Raaij is in Februarie 2010 op die ouderdom van 77 in 'n hospitaal in Den Haag oorlede.

• "Mr. J.L. (Jim) Janssen van Raaij". Parlement. Geargiveer vanaf die oorspronklike op 21 Junie 2019. Besoek op 2 Augustus 2020.
• "James L. JANSSEN van RAAY". Europese Parlement. Besoek op 2 Augustus 2020.
• Hierdie artikel is in sy geheel of gedeeltelik uit die Wikipedia vertaal.
• Wikimedia Commons het meer media in die kategorie Jim Janssen van Raaij.

Hierdie artikel is ’n saadjie. Voel vry om Wikipedia te help deur dit uit te brei.