Jacqui Safra

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Jacqui (Jacob) Eli Safra (* 1948) is 'n Switserse belegger en lid van die Libanees-Joods-Switserse bankiersgesin Safra.^[1]

Jacqui Eli Safra is die seun van Elie Safra (1922–1993) en Yvette Dabbah (1927–2006) en die neef van die Libanees-Brasiliaanse bankier Edmond Safra (1932–1999) wat die Safra-familie se tradisionele bankbelange in Sirië, Libanon, Brasilië en Switserland bedryf het. Hy het 'n akademiese graad aan die Universiteit van Pennsilvanië se Wharton School verwerf en daarna leidende posisies by die Republic National Bank in New York beklee.^[2]

Safra se beleggings sluit onder meer in:

• Encyclopædia Britannica
• Merriam-Webster
• Spring Mountain Vineyard in Saint Helena, Kalifornië
• Parknasilla Hotel en die nabygeleë Garinish-eiland (albei geleë naby Sneem, graafskap Kerry, Republiek van Ierland).

Onder die naam J.E. Beaucaire (die naam van 'n karakter in die rolprent Monsieur Beaucaire van 1946 wat deur Bob Hope vertolk is) het Safra kleiner rolle in drie rolprente vertolk, terwyl die vervaardigingsonderneming Sweetland Films, wat hy saam met sy vriendin Jean Doumanian bedryf, agt van die Amerikaanse komediant en regisseur Woody Allen se rolprente gefinansier het.^[3]

• The Ox (1991) – Winkeleienaar
• Radio Days (1987) – Diksiestudent
• Stardust Memories (1980) – Sam

• Small Time Crooks (2000)
• Just Looking (1999)
• Women Talking Dirty (1999)
• Sweet and Lowdown (1999)
• Celebrity (1998)
• Into My Heart (1998)
• The Spanish Prisoner (1997)
• Deconstructing Harry (1997)
• Wild Man Blues (1997)
• Everyone Says I Love You (1996)
• Mighty Aphrodite (1995)
• Don't Drink the Water (1994) (TV)
• Bullets over Broadway (1994)
• The Ox (1991)