Hugenotemonument
Die Hugenotemonument by Franschhoek, in die Wes-Kaap, gedenk die koms van die Hugenote as vlugtelinge vanuit Frankryk na die Kaap van Goeie Hoop tydens die 17de en 18de eeue.
Die monument is ontwerp deur J.C Jongens en bouwerk afgehandel in 1945. Die inwyding is gelei deur dr. A.J. van der Merwe op 17 April 1948.
Die drie hoë lugboë simboliseer die drie eenheid van God die Vader, die Seun en die Heilige Gees. Bo op die lugboë is die son van geregtigheid en bo dit, die kruis van hulle Christelike geloof.
Die sentrale vroulike figuur, geskep deur Coert Steynberg, verpersoonlik die vryheid van geloof met 'n Bybel in haar een hand en 'n gebreekte ketting in die ander. Sy gooi die mantel van onderdrukking af en haar posisie bo op die aardbol verwys na haar spirituele vryheid. Die fleur-de-lis op haar mantel verteenwoordig 'n adel karakter en gees.
As model vir die vroulike figuur het Steynberg vir Lena Burger (later getroud met Pieter de Vos) gebruik.
Die mees suidelike punt van die aardbol toon die simbole van hulle geloof (die Bybel), kuns en kultuur (die harp), die land- en wynbou (die koringgerf en druiwestok) en industrie (die spinwiel).
Die waterpoel met die weerkaatsing van die monument, verwys na die onversteurde rus van gemoed en gees nadat die Hugenote soveel konflik en strewe moes deurmaak.
Die Hugenote-museum herdenk die geskiedenis van die Franse Hugenote wat in die Kaap gevestig het, veral in die Franschhoekvallei. Op die uitstalling is ook voorbeelde van verskeie gereedskapstukke waarmee wyn gemaak is, die klere wat gedra was, asook die kultuur en behoefte aan 'n beter lewe wat hulle saamgebring het.
Ook op die terrein is wynkelders wat deur 'n kolonnade verbind is, en wat die woorde Post tenebras lux dra (letterlik "ná donker [kom] lig"). Hierdie was die slagspreuk van die Protestante gedurende die Reformasie.
Ander Hugenote-monumente en gedenktekens in Suid-Afrika
[wysig | wysig bron]- In die Johannesburg Botaniese Tuine is daar 'n monument ter herdenking van 300 jaar na die aankoms van die Hugenote in Suid-Afrika.
- In die Joubertplein van Wellington, Wes-Kaap, is daar die Hugenote-fontein.
- In Queen Victoria Straat, Kaapstad, staan die Hugenote-gedenkgebou wat deur die Hugenote-gedenkvereniging opgerig is. Die sterflike oorblyfsels van president Paul Kruger het hier gelê voordat dit in Nederland te rus gelê is.
Eksterne skakels
[wysig | wysig bron] |
Wikimedia Commons bevat media in verband met Huguenot Monument, Franschhoek. |
- (af) Die Monument op die Hugenote-vereniging van Suid-Afrika se webwerf Geargiveer 28 Februarie 2014 op Wayback Machine
- (en) The Hugenote Museum webwerf
- (en) Artikel: The Huguenot Heritage