Hrant Dink

Hrant Dink
Hrant Dink
Gebore	15 September 1954; Malatya, Turkye
Sterf	19 Januarie 2007 (op 52); Istanboel, Turkye
Nasionaliteit	Turkye
Alma mater	Universiteit van Istanboel
Beroep	Koerantredakteur, rubriekskrywer en joernalis
Bekend vir	Stigter en hoofredakteur van Agos
Eggenoot	Rakel Yagbasan (1976–2007; sy dood)
Kinders	Delal, Arat, Sera
Geloof	Armeens-Apostoliese Kerk

Hrant Dink (Armeens: Հրանդ Տինք; 15 September 1954 – 19 Januarie 2007) was ’n Turks-Armeense redakteur, joernalis en rubriekskrywer.^[1] As hoofredakteur van die tweetalige Turks-Armeense koerant Agos (Ակօս) was hy ’n vooraanstaande lid van die Armeense minderheid in Turkye.

Dink was veral bekend as voorstander van Turks-Armeense versoening asook mense- en minderheidsregte in Turkye; hy was dikwels krities teenoor beide Turkye se ontkenning van die Armeense volksmoord van 1915 en van die Armeense diaspora se veldtog om dit internasionaal erken te kry. Hy is drie keer onder Artikel 301 vervolg vir die "afkraking van Turkswees" en het verskeie doodsdreigemente ontvang van Turkse nasionaliste.^[2]

Dink is in Januraie 2007 in Istanboel vermoor deur Ogün Samast, ’n 17-jarige Turkse nasionalis. Dit het gebeur kort ná die première van die volksmoord-dokumentêr Screamers, waarin ’n onderhoud met hom gevoer word oor die Turkse ontkenning van die Armeense volksmoord en die saak teen hom onder Artikel 301. Hoewel Samast in hegtenis geneem is, het foto's van hom sedertdien verskyn waarop glimlaggende Turkse polisiemanne saam met hom voor ’n Turkse vlag poseer. Die foto's het ’n skandaal in Turkye veroorsaak en ’n ondersoek is van stapel gestuur om die betrokke polisiemanne te ontslaan.^[3]^[4]

By sy begrafnis het tweehonderdduisend roubeklaers uit protes gemarsjeer terwyl hulle sing "Ons is almal Armeniërs" en "Ons is almal Hrant Dink". Kritiek op Artikel 301 het toegeneem ná sy dood en dit het gelei tot ’n voorstel in die parlement om dit te herroep. Die akademiese jaar 2007–2008 aan die Kollege van Europa is na hom genoem. Tydens die Turkse betogings van 2013 in Istanboel en ander stede oor die outoritêre regering van eerste minister Recep Tayyip Erdoğan is ’n simboliese straat in Taksim Gezi-park na hom genoem.

Verwysings

↑ Tavernise, Sabrina (3 Julie 2007). "Trial in Editor's Killing Opens, Testing Rule of Law in Turkey" (in Engels). The New York Times. Geargiveer vanaf die oorspronklike op 9 Oktober 2019. Besoek op 26 November 2011.
↑ Mahoney, Robert (15 Junie 2006). "Bad blood in Turkey" (PDF). Dangerous Assignments Spring-Summer 2006. Committee to Protect Journalists. pp. 26–28. Geargiveer vanaf die oorspronklike (PDF) op 3 Julie 2017. Besoek op 17 Januarie 2007.
↑ "Samast'a jandarma karakolunda kahraman muamelesi". Radikal (in Turks). 2 Februarie 2007. Besoek op 10 Februarie 2007.
↑ "Turkey: Anger As Police Pose With Suspect". New York Times (in Engels). 3 Februarie 2007. Geargiveer vanaf die oorspronklike op 13 Januarie 2018. Besoek op 29 Augustus 2007.

Eksterne skakels

International Hrant Dink-stigting
Vriende van Hrant
(tr) Amptelike webtuiste van die koerant Agos
Wikimedia Commons het meer media in die kategorie Hrant Dink.
Hierdie artikel is vertaal uit die Engelse Wikipedia

[1] Tavernise, Sabrina (3 Julie 2007). "Trial in Editor's Killing Opens, Testing Rule of Law in Turkey" (in Engels). The New York Times. Geargiveer vanaf die oorspronklike op 9 Oktober 2019. Besoek op 26 November 2011.

[CPJ06SP-2] Mahoney, Robert (15 Junie 2006). "Bad blood in Turkey" (PDF). Dangerous Assignments Spring-Summer 2006. Committee to Protect Journalists. pp. 26–28. Geargiveer vanaf die oorspronklike (PDF) op 3 Julie 2017. Besoek op 17 Januarie 2007.

[radikal070202-3] "Samast'a jandarma karakolunda kahraman muamelesi". Radikal (in Turks). 2 Februarie 2007. Besoek op 10 Februarie 2007.

[nytsamast-4] "Turkey: Anger As Police Pose With Suspect". New York Times (in Engels). 3 Februarie 2007. Geargiveer vanaf die oorspronklike op 13 Januarie 2018. Besoek op 29 Augustus 2007.

[1]

[2]

[3]

[4]