Kaapse floraryk

Kaapse floraryk*
Unesco-wêrelderfenisterrein
Kaapse floraryk Ligging van die Kaapse floraryk in Suid-Afrika
Koördinate: 34°10′00″S 18°22′30″O / 34.16667°S 18.37500°O / -34.16667; 18.37500
Lande	Suid-Afrika
Tipe	Natuur
Kriteria	ix, x
Verwysings	1007
Streek†	Afrika
Inskripsiegeskiedenis
Inskripsie	2004  (28ste Sessie)
Uitbreidings	2015
* Naam soos dit in die Wêrelderfenislys verskyn. † Streek soos deur Unesco geklassifiseer.

Die Kaapse floraryk, ook Capensis genoem, is een van die ses Floraryke op aarde. Dit omvat die uiterste, suidwestelikste punt van Afrika (Suid-Afrika) en is deur 'n woestyngordel (uit die Karoo en Namibië) van die res van Afrika geskei. Dit is die kleinste van die floraryke, maar in verhouding met die oppervlakte is dit die mees soortryke floraryk. Dit trek elke jaar ontelbare botanici en plantevriende uit die hele wêreld aan. Die Kaapse floraryk is in 2004 as een van Unesco se wêrelderfenisgebiede gelys en in 2015 is die inskripsie uitgebrei.

Hoofsaaklik is vir die Kaapflora die buitengewoonlike endemierykdom te benadruk, wat heet, dat daar hier baie plante van 'n geslag of familie aanwesig is, wat alleen in die begrenste gebied aangetref word. Verder is daar ooreenkomste met die floraryke van Antarktika en Australië, Antarctis en Australis, vasstelbaar (hierdie gebiede wat vandag ver van mekaar af lê, het aan die einde van die Jura saam die kontinent Gondwanaland gevorm).

Ongeveer 10% van die totale plantesoort, na skatting 22 000 botaniese soorte op aarde, vind hier hulle leefomgewing. Die veelsydige altyd groene plantegemeenskap van Capensis word fynbos genoem. Daaronder bevind hulle silwerboomgewasse, 100 proteasoorte, en nietemin 600 verskillende soorte van die ericageslag, asook talryke vleisetende plante.

Op Tafelberg in Kaapstad alleen is daar meer plantsoorte as byvoorbeeld in die hele Verenigde Koninkryk. Baie indrukwekkend en gelief by vakansiegangers is Namakwaland wat na die lentereën in 'n reëlregte blommemeer verander.

Talryke plante wat in hierdie gebied in die wild groei, word na Europa uitgevoer en is die uitgangspunt van baie telinge van geliefde tuinplante. Hiertoe behoort astersoorte, freesia's, pelargonia's, irisse, geraniums, strobloeme, en ander.

Veldbrande speel 'n belangrike rol in die ekologie van die Kaapse Floraryk. Hulle is ook 'n rede waarom daar in droë streke weinig bos is. Enkele plante kiem pas na 'n brand, byvoorbeeld omdat ou plante nie meer die lig van die jonge plante ontneem nie. Daar word tans probeer deur doelgerigte brande vir die onderhoud van die natuur te sorg.

• Wikimedia Commons het meer media in die kategorie Kaapse floraryk.