Funksionaal
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Funksionaal is in wiskunde, en spesifiek in funksionaalanalise, 'n afbeelding van 'n Vektorruimte na sy onderliggende skalaarveld. Dit is, met ander woorde, 'n funksie wat 'n vektor as invoerargument neem, en as resultaat 'n skalaar lewer. Gewoonlik is die vektorruimte 'n funksieruimte ('n ruimte waarin die wektore funksies is), sodat die funksionaal dus 'n funksie as invoer neem en dus soms as "'n funksie van 'n funksie" beskou word. Die gebruik van funksionale het sy oorsprong in die variasierekening, waarin gesoek word na funksies wat funksionale minimeer. 'n Belangrike toepassing in fisika is die soeke na 'n toestand van 'n sisteem wat die energiefunksionaal minimeer.
