Dendermonde

Dendermonde Termonde
Munisipaliteit
Grote Mark met stadhuis en gereg
Vlag Wapen
Ligging van Dendermonde in die provinsie Oos-Vlaandere
Koördinate: 51°02′00″N 4°06′00″O / 51.03333°N 4.10000°O / 51.03333; 4.10000
Land	België
Gewes (deelstaat)	Vlaandere
Provinsie	Oos-Vlaandere
Regering
• Burgemeester	Leen Dierick (CD&V/N-VA)
Oppervlak
• Totaal	55,67 km2 (21,49 vk. myl)
Bevolking
• Totaal	44 257
• Digtheid	795/km2 (2 060/vk. myl)
Poskode	9200
Skakelkodes	052
Webwerf	www.dendermonde.be

Dendermonde (Frans: Termonde) is 'n Belgiese stad in die ooste van die Vlaamse provinsie Oos-Vlaandere en het 'n oppervlakte van 56 km² en 44 257 inwoners (2011). Plekke in die munisipale gebied van Dendermonde is Dendermonde (stad), Grembergen, Baasrode, Sint-Gillis-Dendermonde, Appels, Schoonaarde, Oudegem en Mespelare. Dendermonde grens aan die munisipaliteite Wichelen, Berlare, Zele, Hamme, Buggenhout, Lebbeke en Aalst. Dendermonde vervul 'n aantal ekonomiese en kulturele funksies op regionale vlak. Die stad het 'n hospitaal en enkele skole. Elke Maandag kom besoekers vir hulle weeklikse inkopies na die mark.

Die stad beskik oor 'n spoorwegstasie wat verbindings na Asse, Brussel, Buggenhout, Mechelen, Zele, Lokeren en Gent bied. Die eerste spoor vir stoomaangedrewe lokomotiewe was 'n lyn wat Dendermonde met Mechelen verbind het en wat in die 19e eeu in gebruik geneem is.

Dendermonde lê suid van die Schelde en oos van die stad Gent.

Die Dender-rivier vloei deur die stad. Die stad lê waar die Dender-rivier in die Schelde vloei. Dendermonde lê 33 km van Gent, 28 km van Brussel, 30 km van Mechelen en 46 km van Antwerpen.

Die stad het eers in die 11de eeu ontstaan. Stewige stadsmure omring Dendermonde in die 13de eeu. Dendermonde is 'n sentrum van die middeleeuse lakennywerheid. Die stadhuis dateer uit die 14de eeu. In die 15de eeu het die stad aansienlik gegroei danksy die handel. In 1572 is Dendermonde deur Spaanse soldate geplunder. Die stad is nouliks deur die industrialisering van België geraak. Die ou stadskern is in 1914 tydens die Eerste Wêreldoorlog ernstig beskadig deur brandstigting.

Tydens die samesmeltings van munisipaliteite is die volgende munisipaliteite bygevoeg: 1971 Appels, Sint-Gillis-bij-Dendermonde; 1976 Baasrode, Grembergen, Mespelare, Oudegem en Schoonaarde.

Die historiese huise langs Kerkstraat en Astridlaan, die Groot Markplein (Grote Markt) in die historiese stadsentrum en 'n aantal museums lok besoekers. Saans word die stadhuis, die Vleeshuismuseum en die Onze-Lieve-Vrouwekerk tot middernag verlig.

Die stad is bekend vir sy folkloristiese Ros Beiaard-parade en het 'n gewilde toeristebestemming geword. Die Katuit-parade met die drie stadsreuse (Mars, Indiaan en Goliath) word jaarliks op die laaste Donderdag van Augustus geplant. Daar is 3 hotelle en verskeie restaurante.

• Die gereg met beeldhouwerk van Jeanne De Dijn. Die toring is 50 meter hoog.
• Die Onze-Lieve-Vrouwekerk wat twee skilderye van Antoon (Anthony) Van Dyck vertoon.
• Die standbeeld van Pieter-Jan De Smet
• Stadhuis met kloktoring wat skilderye van Jan Verhas, Franz Courtens, Adriaan Heymans en Isidoor Meyers vertoon.
• Beeldhouwerk "Spelende kinderen" van Jos De Decker aan die Franz Courtensstraat
• Beeldhouwerk "Koningin Astrid" van Jos De Decker aan die Astridlaan
• Die Sint-Egidiuskerk
• Sint-Alexiusbegijnhof met 61 huise
• Beeldhouwerk "Samenvloeiing van Dender en Schelde" van Paul De Visscher
• Jazz Sentrum Vlaandere
• Die Mechelse en Brusselse poort (1822)

• Vleeshuismuseum met fossiele uit die oerverlede, Romeinse keramiek en 'n skelet van 'n mammoet (vier meter hoog).
• Museum vir Volkskunde (in die Begijnhof)
• Zwijvekemuseum
• Skeepvaartmuseum (in Baasrode)

• Jacob Maestertius, (1610-1658), skrywer
• Pieter-Jan De Smet, missionaris by die Indiane (Native Americans) in die Rotsgebergte (1801–Saint Louis 1873)
• Prudens Van Duyse (1804-1859), digter
• Franz Verhas, (1827-1897), skilder
• Emanuel Hiel, (Sint-Gillis-Dendermonde 1834 - Schaarbeek 1899), skrywer en digter
• Fernand Khnopff, Grembergen 1858-Brussel 1921, simbolistiese skilder
• Lodewijk Dosfel (1881 - 1925), skrywer, politikus en Vlaamse nasionalis
• baron Franz Courtens, skilder
• Polydore De Keyser, (1832-1898), Right Honourable Lord Mayor of London
• Jan Verhas (1834-1886), skilder
• Jef Van Extergem, politikus
• Jef Scheirs, (1885-1960), skrywer
• Jos De Decker, (1912-2000), beeldhouer
• Jan Lenssens, (1935-2006), politikus, CVP/CD&V
• Guy Verhofstadt (1953), politikus, Open VLD
• Norbert De Batselier, politikus, burgemeester, SP.A
• Piet Buyse, politikus, burgemeester, CD&V
• Caroline Maes (1982), tennisspeler
• Marc Verwilghen, politikus, Open VLD
• Hilde Dierickx, politikus, Open VLD
• Ferdy Willems, politikus, VU/Groen!
• Marius Meremans, politikus, N-VA
• Leen Dierick, politikus, CD&V

Wikimedia Commons bevat media in verband met Dendermonde.

• (nl) Die amptelike webwerf van die munisipaliteit
• (nl) Vleeshuismuseum