Dasseneiland

Dasseneiland
Dasseneiland se ligtoring, 9 km vanaf die kus van Yzerfontein
Geografie
Ligging	Suid-Afrika, Atlantiese Oseaan
Koördinate	33°25′S 18°05′O / 33.417°S 18.083°O / -33.417; 18.083
Oppervlakte	2,57 vk km
Administrasie
Suid-Afrika
Provinsie	Wes-Kaap

Dasseneiland is 10 km suidwes van Yzerfontein, Wes-Kaap in die Atlantiese oseaan. Die eiland is een van 34 ondersese berge langs die Weskus waarvan die spits bo die water uitsteek. Die eiland beslaan 'n oppervlakte van 222 ha met 'n lengte van 4,5 km, breedte van 2 km en 'n hoogste punt van 10 m bo seevlak.

Die naam van die eiland is na aanleiding van die groot aantal dassies wat oorspronklik daar gewoon het. Jan van Riebeeck het ook baie robbe daar gevind gedurende 1654 toe hy besoek daar afgelê het. Die robbe is sedertdien deur jagters uitgeroei en vandag is die eiland die grootste broeiplek van die Kaapse pikkewyn. Daar is tans sowat 68 000 pikkewyne op die eiland. Daar kom ook watervoëls soos kormorante en witmalgasse voor.

Daar is 'n bemande vuurtoring op die eiland, wat sedert 1893 aktief is. Die vuurtoringwagter en sy gesin word elke ses weke per helikopter na die vasteland gebring vir 'n besoek.

• Lys van eilande van Suid-Afrika

• Op Pad in Suid-Afrika. B.P.J. Erasmus 1995 ISBN 1-86842-026-4
• Padlangs deur Suid-Afrika. 2010. ISBN 978-1-77007-751-5
• Die Suid-Afrikaanse Gids: feite en wenke. 2009 ISBN 978-1-86919-324-9