Groensteengordel
'n Groensteengordel is 'n geheel van gesteentes, gewoonlik uit die Argeïkum of die Proterosoïkum wat verwant is wat ruimte en tyd betref en wat metamorfies, intrusief of ekstrusief, ultramafies, mafies tot felsies kan wees. Dit word gewoonlik deur verskeie soorte afsettingsgesteente gekenmerk en word deur granietagtige plutone omring.
Daar kom dikwels 'n verskeidenheid van groen minerale in groensteengordels voor soos serpentyn, chloriet, epidoot, aktinoliet en horingblende en dit verklaar sy naam.[1]
Die Nuvvuagittuq-groensteengordel in Quebec word met sy 4,28 miljard jaar (Hadeïkum) as die oudste gesteentes van die Aarde beskou.[2]
| Gordel | Gebied | Land | Dikte [km][3] |
|---|---|---|---|
| Abitibi (Noranda) | Quebec | Kanada | 18 |
| Setting Net Lake | Ontario | Kanada | 9,5 |
| Shebandoan | Ontario | Kanada | 22 |
| Yellowknife | NWT | Kanada | 18 |
| Michipicoten | Ontario | Kanada | 11 |
| Vermilion | Minnesota | Verenigde State | 16 |
| Barberton | Mpumalanga | Suid-Afrika | 20 |
| Nimini Hills | Sierra Leone | 5 | |
| Tati | Botswana | 20 | |
| Midlands | Midlands (provinsie) | Zimbabwe | 17 |
| Coolgardie-Kurrawang | Wes-Australië | Australië | 19,5 |
| West Lake Lefroy | Wes-Australië | Australië | 13 |
Verwysings
[wysig | wysig bron]- ↑ Precambrian greenstone belts host different ophiolite types Harald Furnes, Maarten de Wit, Yildirim Dilek in: Evolution of Archean Crust and Early Life Springer, 2013, ISBN 9400776152, ISBN 9789400776159
- ↑ Geochronology, Dating, and Precambrian Time: The Beginning of the World as We Know It Rafferty, John P, Britannica Educational Publishing, 2010, ISBN 1-61530-195-X, ISBN 978-1-61530-195-9 bls. 160
- ↑ Archean Greenstone Belts K.C. Condie Elsevier, 1981, ISBN 0-08-086902-5, ISBN 978-0-08-086902-5
