Arsien

Eienskappe

Algemeen
Naam	Arsien
Chemiese formule	AsH3
Molêre massa	77,95[g/mol][1]
CAS-nommer	7784-42-1[1]
Voorkoms	Kleurlose gas[1]
Reuk	karakteristiek [1]
Fasegedrag
Smeltpunt	-117 °C [1]
Kookpunt	-62 °C [1]
Digtheid	2,7 (rel. lug=1)[1]
Oplosbaarheid
Kritieke temperatuur	99,9 °C [1]
Suur-basis eienskappe
pKa
Veiligheid
Flitspunt
LC50	178 dpm; 1 uur (rot; inaseming)
Tensy anders vermeld is alle data vir standaardtemperatuur en -druk toestande.
Portaal Chemie

Arsien is 'n verbinding van arseen in sy -3 oksidasietoestand en waterstof met die chemiese formule AsH₃.

Dit is 'n baie toksiese gas wat dodelik is wanneer dit ingeasem word.

Arsien is brandbaar. Dit brand met 'n bleikgroen vlam wat min lig gee.^[2]

${\displaystyle 4AsH_{3}(g)+6O_{2}(g)\rightarrow 2As_{2}O_{3}(s)+6H_{2}O(g)}$

Die verbinding ontbind teen hoër temperature:

${\displaystyle 2AsH_{3}(g)\xrightarrow {hitte} 2As(s)+3H_{2}(g)}$

Arsien kan verkry word deur arseenchloried (AsCl₃) of arseenoksied (As₂O₃) te reduseer met natriumboorhidried (NaBH₄) of litiumaluminiumhidried (LiAlH₄). Dit word ook gevorm as arseniede aan suur blootgestel word. Uiters suiwer arsien word gebruik vir die proses van chemiese dampneerslag (CVD) waarmee dunne lae van arseniede vervaardig word.^[3]

Arsien is 'n homoloog van fosfien (PH₃) en ammoniak (NH₃) en dit kan nes hierdie verbindings primêre, sekundêre en tersiêre arsiene vorm. Hulle word selde gebruik vanweë hulle toksiese eienskappe. Ammoniak is 'n sterk basis, fosfien is swakker en arsien is nouliks nog 'n basis. ^[4]