Appèl
'n Appèl is 'n beroep op 'n hoër liggaam teen die beslissing van 'n hof of 'n ander besluitnemende liggaam. In die appèl word die hoër liggaam formeel versoek om 'n besluit te wysig of ter syde te stel.
Soms sal regters appèl toestaan as hulle van mening is dat 'n ander hof tot 'n ander besluit kan kom. Indien nie, kan die reg tot appèl geweier word.
Appèl word gewoonlik oorweeg indien:
- die besluitnemer die wet verkeerd toegepas het;
- die besluitnemer buite sy/haar jurisdiksie opgetree het;
- die besluitnemer sy/haar magte oorskry het; of
- die besluit feitlik foutief is.
