Apollo 4

Apollo 4 (ook bekend as AS-501) was die eerste onbemande toetsvlug van die Saturn V-vuurpyl van die Apollo-program. Die vuurpyl is gebruik vir die maanlandings. Dit is gelanseer vanaf lanseerplatform 39 by die John F. Kennedy Ruimtesentrum op Merritt-eiland, Florida. Hierdie fasiliteit is spesiaal vir die Saturn V ontwikkel.

Die Apollo-vlug het al drie stadiums ingesluit: S-IC-eerste stadium, S-II-tweede stadium en S-IVB-derde stadium. Laasgenoemde stadium is ook tydens die vlug weer ontbrand, 'n eerste vir NASA. Apollo 4 is op 9 November 1967 gelanseer.

Hierdie lugvaartartikel is 'n saadjie. Jy kan Wikipedia help deur dit uit te brei.