Alfa Laval
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| Alfa Laval AB | |
| Tipe | Aandelemaatskappy |
|---|---|
| Gestig | 1883[1] |
| Hoofkantoor | Lund, Swede |
| Sleutelpersone | Lars Renström (president en HUB), Anders Narvinger (voorsitter) |
| Gebied bedien | Wêreldwyd |
| Industrie | Vervaardiging, ingenieurswese en diens |
| Inkomste | SEK 28,652 miljard (2011)[2] |
| Bedryfsinkomste | SEK 4,691 miljard (2011)[2] |
| Netto inkomste | SEK 3,251 miljard (2011)[2] |
| Werknemers | 16 050 (einde 2012) |
| Webwerf | alfalaval.com |
Alfa Laval AB is 'n Sweedse maatskappy, in 1883 gestig deur Gustaf de Laval en Oscar Lamm. Die maatskappy, wat met die skeiding van oplossings begin het, dryf nou handel in die produksie van gespesialiseerde produkte en oplossings vir die swaar industrie. Die produkte word gebruik vir hitte, verkoel, skeiding en vervoer van produkte soos olie, water, chemikalieë, drank, voedsel, stysel en farmaseutiese produkte.
Alfa Laval se hoofkwartier is in Lund, Swede en het filiaalmaatskappye in meer as 35 lande regoor die wêreld, insluitend Suid-Afrika, Denemarke, Italië, Indië, Japan, China, Nederland en die Verenigde State van Amerika. In 2012 het Alfa Laval 'n globale arbeidsmag van 16 419 werknemers en 'n inkomste van VS$ 4 520.96 miljoen gehad.[3] Alfa Laval is 'n swaarnywerheidsmaatskappy wat fokus op grootskaalse bedrywighede, soos mariene, energie- en voedselnywerhede. Behalwe die verkoop van toerusting, is Alfa Laval bedrywig met die uitkontrakteer van indiwiduele oplossings om te voldoen aan die eise van swaarindustrie.
Alfa Laval in die skeepsbedryf
[wysig | wysig bron]Alfa Laval is bekend in die maritieme bedryf as 'n vervaardiger van skeepstoerusting. Alfa Laval vervaardig kleppe, pompe, hitteruilers, verdampers, distilleerders, olieskeiers, oliefilters, en al die ander hardeware noodsaaklik vir die werking van 'n skip se enjinkamer. Sedert 2011 het Alfa Laval sy mariene en dieselafdelings in een afdeling gekonsolideer, "Marine & Diesel", in 'n poging om die logistiek en administrasie van sy marienevleuel te vereenvoudig.
Verwysings
[wysig | wysig bron]- ↑ Wohlert, Claus (1993). "Bnet article on Alfa Laval AB". International Directory of Company Histories (in Sweeds). Geargiveer vanaf die oorspronklike op 6 April 2008. Besoek op 29 November 2014.
- ↑ 2,0 2,1 2,2 "Annual Results 2010" (PDF) (in Sweeds). Alfa Laval. Geargiveer (PDF) vanaf die oorspronklike op 3 Maart 2016. Besoek op 8 Februarie 2011.
- ↑ Dow Jones, Alfa Laval AB maatskappyprofiel (2013). URL besoek op 6 Mei 2013, op Factiva databasis.
