Aksynsbelasting
Aksynsbelasting, of sondebelasting, is 'n indirekte belasting wat ingesluit is by die prys van produkte soos alkoholiese drank en sigarette. Aksynsbelasting word algemeen deur regerings ingestel om sogenaamde "sosiale euwels" in te perk deur die pryse van produkte op te stoot. Dit dien ook as 'n belangrike bron van inkomste vir regerings.
Die effek van verhoogde aksynsbelasting kan tweeledig wees - dit maak die prys hoër en dus vir minder mense toeganklik, maar kan terselfdertyd produksie verlaag en werkgeleenthede verminder. So kan 'n verhoging in die prys van wyn byvoorbeeld die wynbedryf 'n ernstige knou toedien.
