Aert de Gelder

Aert de Gelder (Nederlandse uitspraak: ˈaːrt də ˈɣɛldər of Arent; 26 Oktober 1645 – 27 Augustus 1727) was 'n Nederlandse skilder.^[1]

De Gelder is gebore in Dordrecht, waar hy ook gesterf het. Hy was een van Rembrandt se laaste leerlinge terwyl hy in Amsterdam was, en studeer in sy ateljee van 1661 tot 1663. Hy was nie net een van Rembrandt se mees talentvolle leerlinge nie, maar ook een van sy mees toegewyde volgelinge, aangesien hy die enigste Nederlandse kunstenaar was wat in die tradisie van Rembrandt se latere styl in die 18de eeu geskilder het. In navolging van Rembrandt sou De Gelder kunswerke skilder soos Die Doop van Christus en Ahimelech Gee die Swaard van Goliat aan Dawid. Storievertelling, deursigtige emosionaliteit, en 'n klem op die menslikheid van Bybelse karakters is die onderskeidende elemente van hierdie styl. Dit kontrasteer sterk met die hoflike en verwyderde emosies en beelde van ander kunstenaars, selfs in die Renaissance-tydperk.

As skepper van Bybelse tonele en portrette was sy styl geïnspireer deur Rembrandt, en gebruik hy sy artistieke idees tot in die agttiende eeu, sonder om beïnvloed te word deur hedendaagse nuwe modes. Vanuit 'n artistieke oogpunt kan sy werk nie as passiewe navolging van die meester beskou word nie; dit staan inderdaad vir vindingrykheid in die vertelling, 'n voorsmaak vir die teatrale en die sterk emosionele lading van die karakters. Al hierdie eienskappe het hom een van die belangrikste tolke van die Nederlandse skilderkuns van die laat sewentiende eeu gemaak.

• Esther en Mordecai (Boedapest Kunsmuseum)
• Judah en Tamar, c. 1681 (Wene, Gemäldegalerie van die Akademie van Kunste)
• Koning Dawid, c. 1683 (Amsterdam, Rijksmuseum, inv A 2695)
• Die Toilet van Esther, c. 1684 (München, Alte Pinakothek)
• Portret van Tsaar Pieter die Grote (Amsterdam, Rijksmuseum?)
• Selfportret as Zeuxis (Frankfurt am Main, Städel, inv. no. 1015))
• Passiereeks c. 1715 (22 skilderye, insluitende tien in Aschaffenburg, Schloss Johannisburg, en twee in Amsterdam, Rijksmuseum)
• Portret van Hermannus Boerhaave met sy vroue en dogter, c. 1724 (Amsterdam, Rijksmuseum, inv A 4034)
• Die huwelikskontrak, c. 1670 (Brighton Museum & Kunsgalery)
• Simeon se loflied. 1700–1710 (Den Haag, Mauritshuis)
• Doop van Christus, c. 1710 (Cambridge, Fitzwilliam Museum)

• 
  "Esther en Mordecai", deur Aert de Gelder
• 
  "Koning Dawid" deur Aert de Gelder, Rijksmuseum, Amsterdam
• 
  "Esther en Mordecai" II
• 
  'n Dame besig met haar toilet
• 
  Abraham en die Engele
• 
  Tamar en Judah
• 
  Bruid
• 
  Portret van Ernst van Beveren (1660–1722)
• 
  Nunc dimittis (1700–1710)
• 
  "Doop van Christus" (c.1710)
• 
  Portret van 'n onbekende vrou (c.1685)

• Wikimedia Commons het meer media in die kategorie Aert de Gelder.
• Nasionale Galery, Londen Geargiveer 8 Augustus 2016 op Wayback Machine, "Aert de Gelder"
• Skilderye en biografie by artbible.info
• Werke en literatuur by Aert de Gelder, PubHist
• Nederlandse en Vlaamse skilderye te die Hermitage, 'n uitstallingskatalogus van die Metropolitan Museum of Art (volledig aanlyn beskikbaar as PDF), welke materiaal bevat oor Aert de Gelder (kat. no. 9)