Addams Family
Addams Family is 'n denkbeeldige gesin wat in 'n Amerikaanse strokiesverhaal deur Charles Addams uitgebeeld word. Die strokiesprent is later in 'n donker humoristiese TV-reeks, 'n aantal rolprente en rekenaarspeletjies omskep. Die gesin dra swart klere en stel in die dood en allerlei vreesaanjaende dinge belang. Lede van die gesin is: Gomez, Morticia, Uncle Fester, Lurch, Grandmama, Wednesday, Pugsley en Thing. [1]
Die Addams Family is 'n satiriese inverse (omgekeerde) van die ideale Amerikaanse gesin (kerngesin). Die Addamse is welgestelde en eksentrieke mense, wat totaal onbewus is van hoe vreemd en angswekkend ander mense hulle vind. Die familie bestaan selfs deels uit monsters.
Addams se strokiesverhaal is aanvanklik in die jare 30 in die tydskrif The New Yorker gepubliseer. Dit het vinnig baie gewild geword. Die swart humor het veral tot mense gespreek.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
[wysig | wysig bron]- Die Addams-stiging se webtuiste (en)
- Die nieamptelike Addams Family-webwerf (en)
Wikimedia Commons het meer media in die kategorie Addams Family.
