Abraham Erasmus van Wyk
| Abraham Erasmus van Wyk | |
| Gebore | Februarie 1952 (72 jaar oud) Wolmaransstad, Suid-Afrika |
|---|---|
| Instelling(s) | Kurator van die HGWJ Schweickerdt Herbarium |
| Alma mater | Universiteit van Pretoria |
| Bekend vir | Taksonomie van plante |
| Webblad | Prof van Wyk |
Abraham Erasmus van Wyk, bekend as Braam van Wyk (19 Februarie 1952, Wolmaransstad) is 'n Suid-Afrikaanse planttaksonoom. Hy is verantwoordelik vir die opleiding van 'n beduidende persentasie van die aktiewe planttaksonome in Suid-Afrika en het ook die eerste mobiele toep vir die identifikasie van bome in Suider-Afrika saamgestel.[1]
Biografie
[wysig | wysig bron]Braam van Wyk is in 1952 op Wolmaransstad in die Wes-Transvaal (tans Noordwesprovinsie), Suid-Afrika gebore en het op 'n mielie- en beesplaas grootgeword.[2] In 1973 het hy 'n BS (Plantkunde, Dierkunde, Fisiologie) (met onderskeiding) aan die Potchefstroomse Universiteit vir Christelike Hoër Onderwys behaal, gevolg deur 'n BS (Hons) (met onderskeiding) in 1974, 'n Hoëronderwysdiploma (met onderskeiding) in 1976 en 'n MS (Plantkunde) (met onderskeiding) in 1977 (onder toesig van D.J. Botha).[2] Hy het aan die Universiteit van Pretoria sy doktorsgraad in plantkunde behaal met 'n proefskrif oor die klassifikasie van die genus Eugenia (Myrtaceae) in suidelike-Afrika ("Contributions towards a new classification of Eugenia L. (Myrtaceae) in southern Africa").
Sedert 1977 is hy verbonde aan die Departement van Plantkunde aan die Universiteit van Pretoria, waar hy in 1989 as professor in plantkunde aangestel is en as kurator van die universiteit se H.G.W.J. Schweickerdt herbarium.[1][3]
Hy het talle akademiese en openbare lesings en kursusse aangebied oor 'n verskeidenheid plantkundige onderwerpe. Hy het ook gereeld bygedra tot die Suider-Afrikaanse Botaniese Diversiteitsnetwerk-projek (SABONET).[2] Van Wyk geniet dit om plantkunde toeganklik vir die publiek te maak en het vir 18 jaar deelgeneem aan 'n weeklikse wetenskapsprogram oor die radio.[4]
Van Wyk het in 2012 die volgende kursusse aan die Universiteit van Pretoria aangebied: BOT 251 Suider-Afrikaanse flora en plantegroei, BOT 366 Plantdiversiteit, BOT 741 Planttaksonomie, BOT 742 Plantklassifikasie en ZEN 809 Biogeografie en makro-ekologie.[4]
Navorsingsprojekte
[wysig | wysig bron]Van Wyk se navorsingsprojekgebiede sluit in Myrtaceae, Celastraceae, Icacinaceae, Chenopodiaceae en Araceae en word uitgevoer in KwaZulu-Natal, Pondoland, Maputaland, Sekhukhuneland en die noordoostelike Drakensberge. Sy navorsing fokus op morfologie, anatomie, stuifmeelanalise, ontwikkelingsbiologie, voortplantingsbiologie en biogeografie.[3]
|
Publikasies
[wysig | wysig bron]Van Wyk het dikwels met sy nagraadse studente in 'n aantal botaniese subdissiplines gewerk, insluitende anatomie, biografie, bibliografie, taksonomie, nomenklatuur, embriologie, fitogeografie, palinologie, voortplantingsbiologie, fitososiologie, sistematiek, floristiesme en ekologie.[2] Hy het meer as 390 werke oor plantkunde van Suider-Afrika geskryf (of mede-outeur), insluitend die volgende boeke:
- Field Guide to Wild Flowers of the Highveld (Veldgids vir wilde blomme van die Hoëveld)[5]
- Field Guide to Trees of Southern Africa (Veldgids vir Bome van Suidelike Afrika)[6]
- A Photographic Guide to Wild Flowers of South Africa ('n Fotografiese Gids vir Wilde Blomme van Suid-Afrika)[7]
- How to Identify Trees in Southern Africa (Hoe om bome in Suider-Afrika te identifiseer)[8]
- Aloes of Southern Africa (Aalwyne van Suidelike Afrika)[9]
- Photo Guide to Trees of Southern Africa (Fotogids vir Bome van Suidelike Afrika)[9]
Toekennings en erkenning
[wysig | wysig bron]- Die joernaal Flowering Plants of Africa het hul volume 65 (Junie 2017) toegewy aan Van Wyk.[10]
- Die spesie Aloe braamvanwykii is na hom genoem.
- Silwer Medalje vir Plantkunde van die Suid-Afrikaanse Vereniging van Plantkundiges[4]
- 'Allen Dyer'-toekenning van die Suid-Afrikaanse Sukkulente Vereniging
- Havengaprys vir lewenswetenskappe van die Suid-Afrikaanse Akademie vir Wetenskap en Kuns
- Uitsonderlike akademiese prestasieprys van die Universiteit van Pretoria
Die standaard skrywerafkorting A.E.van Wyk word gebruik om Abraham Erasmus Van Wyk as die skrywer aan te dui wanneer 'n botaniese naam genoem word.
Sien ook
[wysig | wysig bron]Verwysings
[wysig | wysig bron]- ↑ 1,0 1,1 Abraham Erasmus van Wyk | Alumni (Engels). North West University (nwu.ac.za). URL besoek op 24 April 2019.
- ↑ 2,0 2,1 2,2 2,3 Smith, Gideon F. (Maart 2002). "Braam van Wyk—Botanist Extraordinaire and Silver Medallist of the South African Association of Botanists" (PDF). SABONET News (in Engels). 7 (1): 79–80. Besoek op 24 April 2019.
- ↑ 3,0 3,1 Prof. Braam van Wyk (Engels). Universiteit van Pretoria Departement Plantkunde. Argief geskep van die oorspronklike op 13 Oktober 2008. URL besoek op 24 April 2019.
- ↑ 4,0 4,1 4,2 Prof. Braam (AE) van Wyk (Engels). Universiteit van Pretoria (2019). URL besoek op 24 April 2019.
- ↑ Van Wyk, Braam; Malan, Sasa (1997). Field Guide to the Wild Flowers of the Highveld: Also Useful in Adjacent Grassland and Bushveld (in Engels). New Holland Publishers, Limited. p. 352. ISBN 9781868720583. Besoek op 24 April 2019.
- ↑ van Wyk, Braam; van Wyk, Piet (2013). Field Guide to Trees of Southern Africa (in Engels) (PDF uitg.). Cape Town: Random House Struik (Pty) Ltd. ISBN 9781775841050. Besoek op 24 April 2019.
- ↑ van Wyk, Braam (2000). A Photographic Guide to Wild Flowers of South Africa (in Engels). South Africa: Penguin Random House. p. 144. ISBN 9781868723904. Besoek op 24 April 2019.
- ↑ van Wyk, Braam; van Wyk, Piet (2007). How to Identify Trees in Southern Africa (in Engels). South Africa: Penguin Random House. p. 184. ISBN 9781770072404. Besoek op 24 April 2019.
- ↑ 9,0 9,1 Braam van Wyk (Engels). International Publishers Marketing. Argief geskep van die oorspronklike op 13 Junie 2011. URL besoek op 24 April 2019.
- ↑ Grobler, Alicia (Junie 2017). "Dedication to Abraham Erasmus Braam van Wyk" (PDF). Flowering Plants of Africa (in Engels). 65: iv. Geargiveer vanaf die oorspronklike (PDF) op 24 Junie 2021. Besoek op 24 April 2019.
Eksterne skakels
[wysig | wysig bron]- Prof Braam van Wyk - Universiteit van Pretoria Plant- en Grondwetenskappe-departement
- Abraham Erasmus van Wyk - Harvard Universeitse Herbarium- & biblioteek-databasisse
- A.E. van Wyk op JSTOR
