Cinquillo

Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas.

Die Cinquillo is 'n tipies Kubaanse/Karibiese ritmiese sel, wat in die Kubaanse contradanza (die habanera) en die danzón gebruik word.^[1] Dit is ook 'n algemene klokpatroonfiguur wat dwarsdeur Afrika suid van die Sahara aanwesig is. Dit bestaan uit 'n agtstenoot-, 'n sestiendenoot en 'n agtstenoot.  Play (hulp·inligting) Wanneer dié ritme in 2/4-maat geplaas word, verkry dit 'n sterk gesinkopeerde karakter van die verlengde noot, wat die geartikulleerde noot op die eerste kwart van die tweede slag vervang. Cinquillo is 'n versiering van die meer basiese patroon wat as die tresillo bekend staan. Cinquillo word twee keer hier onder aangetoon. Die eerste (bo) dui bloot die nootwaardes aan; die tweede (onder) is die sogenaamde ortografiese notasie, wat die indruk van die gesinkopeerde karakter gee.

As dit deur vier ongesinkopeerde agtstenote gevolg word, staan dit as die baqueteo bekend.  Play (hulp·inligting)Soos die clave vorm dit 'n maatpaar, gesinkopeerd en ongesinkopeerd. Die baqueteo is inderwaarheid 'n versiering van die clave omdat dit al die sleutelpatrone se slae bevat. Die baqueteo word hier onder aangetoon, met beide selle wat tot 'n enkele maat beperk is.

'n Voorbeeld van baqueteo in populêre musiek is die inleiding van die 1994-treffer "Come Out and Play" deur die Amerikaanse punk rock-groep The Offspring.

Die biguine maak van 'n cinquillo-variasie gebruik wat aan ander Karibiese genres verwant is.