1. FC Heidenheim 1846

1. FC Heidenheim

Volledige naam	1. Fussballclub Heidenheim 1846 e.V.
Stigtingsdatum	14 Augustus 1846
Tuisveld	Voith-Arena, Heidenheim an der Brenz
Kapasiteit	10 000
Kompetisie	Bundesliga 2

1. FC Heidenheim 1846 is 'n sokkerklub uit Heidenheim an der Brenz in die deelstaat Baden-Württemberg in Duitsland.

Die klub se geskiedenis begin met die stigting van die gimnastiekklub Turngemeinde Heidenheim op 14 Augustus 1846. Die klub het in 1852 ontbind, maar is met dieselfde naam heropgerig in 1861. In 1872 is die naam verander na Turnverein Heidenheim.

Die klub se sokkerafdeling is op 8 Julie 1911 begin en op 21 Augustus 1922 het die sokkerafdeling onafhanklik geraak as VfR 1911 Heidenheim. In 1936 het die swemklub Schwimmverein 04 Heidenheim met VfR saamgesmelt om VfL Heidenheim 04 te vorm. Na die Tweede Wêreldoorlog is die twee klubs afsonderlik in 1949 heropgerig – die swemmers onder hulle oorspronklike naam en die sokkerafdeling as VfL Heidenheim 1911.

Op 27 Mei 1972 het die klub met TSB 1846 Heidenheim saamgesmelt om Heidenheimer SB te vorm. TSB 1846 Heidenheim was die oorspronklike moederklub, wat intussen self deur 'n reeks samesmeltings gegaan het met 6 ander klubs. Die klub was een van die deelnemers aan die eerste seisoen van die nuutgestigde Oberliga Baden-Württemberg in 1978. In 2007 het die sokkerafdeling onafhanklik geraak as 1. FC Heidenheim 1846.

Die klub het in 1975, 1978 en 1980 die hoofrondte van die DFB-Pokal gehaal.

• Amptelike klubblad