Oksied

'n Oksied is 'n chemiese verbinding van 'n element met suurstof.

Amper al die chemiese elemente vorm verbindings met suurstof. Uitsonderings is edelgasse soos helium of neon. Oksiede van goud is bekend, maar hulle is metastabiel.

Die meeste oksiede is vastestowwe, soms met hoë smelt- en kookpunte, veral die oksiede van die metale, maar oksiede van nie-metale soos CO₂ of SO₂ is gasse en H₂O is 'n vloeistof.

In die eintlike oksiede is die oksidasietoestand van die suurstofatoom -2. Die ander element kan in sy hoogste oksidasietoestand voorkom, soos +6 vir swawel in SO₃, maar soms is dit ook laer soos +4 in SO₂.

• Wikiwoordeboek het 'n inskrywing vir oksied.

Hierdie chemie-verwante artikel is 'n saadjie. U kan die wikipedia help deur dit uit te brei.