Hasimoto Ai
Hasimoto Ai | |
|---|---|
 2014 nî | |
| Chhut-sì |
1996 nî 1 goe̍h 12 ji̍t (28 hòe) Ji̍t-pún Kumamoto-koān |
| Kok-che̍k |
Ji̍t-pún |
| Chit-gia̍p | Ián-gôan, model |
Hasimoto Ai (橋本 愛; 1996 nî 1 goe̍h 12 ji̍t chhut-sì ) sī chi̍t ūi Ji̍t-pún ê cha-bó͘ ián-goân kiam sî-kiâⁿ model.
Bân-lâm-gí ê tha̍k-chheh-im ti̍t-chiap tha̍k chò Kiô-pún Ài.
Keng-le̍k
[siu-kái | kái goân-sí-bé]2008 nî, Hasimoto chham-ka Sony kí-hêng ê "HUAHUA" chin-soán-hōe, tit-tio̍h tāi-chióng; tong-sî chiah 12 hòe ê Hasimoto tī ián-gē-kài chhut-tō. Keh-tńg-nî, Hasimoto koh chham-ka lú-sèng sî-kiâⁿ cha̍p-chì Seventeen kí-pān ê "Miss Seventeen" model chin-soán-hōe, tùi 5,267 ūi kèng-cheng-chiá tang-tiong sèng-chhut. Hasimoto sī tong-sî Seventeen cha̍p-chì hōe-siā lāi-té siōng siàu-liân ê model. 2010 nî, Hasimoto chham-ú tiān-iáⁿ Give and Go ê ián-chhut.
2010 nî, Hasimoto ián-chhut tiān-iáⁿ Confessions tang-tiong ê pan-tiúⁿ. Confessions āu-lâi siau-lō͘ hui-siông hó, tit-tio̍h chin chē chióng-hāng ê khéng-tēng, Hasimoto in-chhú siū-tio̍h koan-chù. 2012 nî 5 goe̍h, Hasimoto ián-chhut tiān-iáⁿ Sadako 3D tiong ê sadako, koh-chài ín-khí tāi-chiòng ê thó-lūn. Ē pòaⁿ-nî, Hasimoto tam-jīm The Kirishima Thing ê chú-kak. Koh ka-siōng nî-bóe ê Tsunagu, Hasimoto tī 2012 nî lóng-chóng chiū ián-chhut 8 chhut tiān-iáⁿ.
2013 nî, Hasimoto ián-chhut NHK sîn-kàiⁿ hì-kio̍k Amachan ê Adachi Yui (足立 結衣).