風速指每單位時間裏面風嘅行程，用風速計（英文Anemometer）量度，單位喺米／秒或者公里／小時，一般記錄平均風速、最大風速同陣風風速等。
常用嘅風速計，等風吹三隻或者以上嘅風杯，用佢旋轉次數嚟折算風速；如果將轉動力化做電流，風速可以直接喺有刻度嘅錶板上知道。
風信旗同風速計都要放喺平坦空曠嘅地方，離地面十米，以減少因為地形、熱源同埋建築物嘅影響。
