鋤大弟

鋤大弟co4 daai6 di2^{[註 1]}（英文：Big Two），又寫成鋤大Dee、鋤大D，係風行大中華（粵港澳台星馬）嘅啤牌遊戲，通常四個人同時玩，每位首先獲隨機派牌十三張。出牌時可以出一隻、兩隻（啤）、三隻（3條），或者五隻（蛇、花、葫蘆、4條及同花順），最先打嗮手上嘅牌就贏。

每局開始，由上局贏家行頭話事（首局就由手中有階磚3一家行頭）。話事一家可以揀，出一隻、兩隻，三隻，或者五隻(首局行頭牌必須要包括階磚3）。下家跟，就出隻數一樣，比上家大嘅牌。唔跟或者冇得跟，就叫Pass。邊家出牌，其餘三家都唔跟，就可以話事，再出任何一隻、兩隻、三隻或五隻。邊一家出到手上只剩一隻牌，出聲叫 Last Card。下家Last Card，上家出牌要頂大，打手中最大個隻牌。最先打嗮全部牌就贏一局。輸家數手上剩低嘅牌。剩十隻以上抄雙（雙計），剩十三隻抄三（三計）。

牌大細

五隻

牌形：同花順> 四條> 骷髏> 同花> 蛇

牌形相同 - 四條、葫蘆：比四隻或三隻一樣嘅牌，字嘅大細：弟 > 煙 > 傾 > 囡 > 積 > 10 > 9 > ...... > 4 > 3。

牌形相同 - 同花順、蛇：比最大一隻牌字嘅大細：弟 > 煙 > 傾 > 囡 > 積 > 10 > 9 > ...... > 4 > 3 。若果相同，比第二大牌字嘅大細，如此類推。五隻牌字大細都相同，比最大牌花嘅大細：葵扇 > 紅心 > 梅花 > 階磚

牌形相同 - 同花：任何5隻牌同花但數字唔連續。注意同花有2種計法。1) 以花色來計算等級，若果花式一樣，以最大點數比較。例如葵扇 > 紅心 > 梅花 > 階磚。2) 以5隻中點數最大嘅作等級比較，若果最大嘅點數一樣，就以第2大嘅點數比較，如此類推。例如葵扇弟-4-5-6-8係大過紅心煙-傾-囡-10-8。

三隻、雙隻、單隻

字嘅大細：弟 > 煙 > 傾 > 囡 > 積 > 10 > 9 > ...... > 4 > 3

花嘅大細：葵扇 > 紅心 > 梅花 > 階磚

最大嘅牌係葵扇弟，最細係階磚3。

註

↑ 「弟」嘅廈門、泉州閩南話讀如粵語di2音，調類係陽平而調値24或35；汕頭、潮州閩語亦讀粵語di2音，調類係陽上而調値35；南寧粵語亦讀粵語di2音，調類係陰上而調値35。^[1]「弟」讀如粵語di2，應屬彷閩南話讀法。「弟」有徒禮/待禮切，屬陽上調^[2]，卽同閩南話調但閩調類或異。電視劇季節內唐家偉、唐家禮分別叫做大Dee、細Dee，兄弟排行第二、三，劇內「Dee」音卽訓弟。

參考

呢篇啤牌有關嘅文係楔位文。歡迎幫維基百科擴寫佢。

[3] 「弟」嘅廈門、泉州閩南話讀如粵語di2音，調類係陽平而調値24或35；汕頭、潮州閩語亦讀粵語di2音，調類係陽上而調値35；南寧粵語亦讀粵語di2音，調類係陰上而調値35。^[1]「弟」讀如粵語di2，應屬彷閩南話讀法。「弟」有徒禮/待禮切，屬陽上調^[2]，卽同閩南話調但閩調類或異。電視劇季節內唐家偉、唐家禮分別叫做大Dee、細Dee，兄弟排行第二、三，劇內「Dee」音卽訓弟。

[1] 其他方言讀音-弟

[2] 康熙字典・弟

[註 1]

[1]

[2]