選區

選區，分區一種，專門𠝹來選舉，區內選民再選出代表參政，進而組成政府。一區之內，會選出一人或者多人。選民一般都住喺當區。之於點樣分界，就有專門機關負責，通常以人數同席數做劃分。選區分得細多數單席，分得大就多席咁。政區多數穏定，而選區都會因地方人多人少而變動，次次選舉都可以唔同，或者會重新𠝹過。由於劃界會大大影響結果，因而需要有各派共識。然而仍可以劃到奇形怪狀，以求敵對政黨無法獲得多數，唔能代表當地選民^[1]。

劃分有幾項原則，各項會互相矛盾，咁就有先後次序。至於邊條優先，就睇當地。原則有幾項。一，選區人數盡量平均，以達至公平。二，選區要𠝹得簡單，要連埋唔會分開。三，選區同政區一致。四，保障少數人，政見又好，種族又好^[2]。好似政黨一定要有女候選人，又或者保留席位畀少數民族，就並非人人公平一致，但做到特定少數有參政機會。