調式

喺現代嘅西樂樂理，調式（英文：mode）係指某類音階（通常指大調）以唔同音開始嘅各種順序排列方式。流行曲講調式就係呢種。

｢調式｣ 以前唔係咁解，例如中世紀早期講八個調式、後來講十二個調式^[1]，呢啲調式都同音階有幾多個音冇乜關係。傳統音樂​——​例如阿拉伯音樂或者土耳其音樂等等​——​講嘅調式亦比較接近以前講嘅嗰種。

現代西樂嘅調式指以某種音階做基礎，用音階入面唔同嘅音起音，順序攞齊八度音，而得出嚟嘅新音階；原本個音階有幾多個音，就有幾多個調式。呢種調式嘅音階，基礎通常係大調，而大調係由七個音組成，所以對應七個調式；不過，除咗大調之外，現代西樂其實仲有四種對應七個調式嘅音階，分別係旋律小調、和聲小調、和聲大調^{[註 1]}（harmonic major）同雙和聲大調^{[註 2]}（double harmonic major）^[2]，甚至五聲音階都有對應嘅五锢調式。

原音階：

任何音階，所有調式只係喺唔同音起音。

每個調式亦有自己嘅順階和弦，但係因為調式只係原本個音階嘅唔同次序，佢哋嘅順階和弦亦即係同原本個音階嘅順階和弦一樣，只係唔同次序。

調式嘅第一個音有時唔叫主音，叫 ｢終音｣（final），呢個叫法係嚟自教會調式。

任何一個有 ${\displaystyle n}$ 個音嘅調式，構成嘅上行音程 ${\displaystyle i_{1},i_{2},\dots ,i_{n}}$，喺起音嘅第一級音掉轉落同樣嘅音程 ${\displaystyle i_{1},i_{2},\dots ,i_{n}}$，構成嘅下行新音階叫 ｢等價倒影調式｣^{[暫譯][註 3]}（mirror modal equivalent），構成嘅音程一樣，只係次序掉轉^[3]。

構成艾奧尼安調式（大調）嘅音程同構成費里吉安調式嘅音程其實完全一樣，只係次序掉轉。

有啲調式嘅倒影係佢自己，呢啲叫迴文音階^{[暫譯][註 4]}（palindrome 或者 palindromic scale）或者自反音階^{[暫譯][註 5]}（reflective scale），其中一個例子係多里安調式，掉轉都係多里安調式，另一個例子係雙和聲大調，掉轉都係雙和聲大調^[4]。

構成多里安調式嘅音程，掉轉咗，一樣係多里安調式。

調式可以睇成係強調某個升或者降咗半音嘅音，或者睇成用嚟形造某種感覺嘅聲嘅方法^[5]。

某啲類型嘅音樂會成日用某啲調式，例如，電影音樂成日會用利地安調式^[6] ，而搖滾樂就成日會用米索利地安調式^[7]。

注意呢啲大調嗰七個調式嘅名全部都係希臘名，但係其實並唔對應同名嘅古希臘調式。

有需要講清楚嘅時候，調式嘅名會講埋調式音階嘅第一個音係乜。例如如果用 C 大調 嘅音，但係 E 音起音，因為 E 音係 C 大調嘅第三級，所以係費里吉安調式，但係因為起音嘅係 E，所以叫 ｢E 費里吉安調式｣。

大調嗰七個調式有時又叫 ｢教會調式｣^[8]，但係教會用嘅調式其實並唔係呢套。

呢節要加長。

教會調式，又叫中古教堂調式^[9]，原本一共有八個，分做正格調式（authentic modes，簡稱正調^[10]）同變格調式（plagal modes，又叫副調^[10]）兩類，每個調式都有編號，正格調式編號一三五七，變格調式編號二四六八^[10]。1547年，調式增加到十二個，但係新嘅四個調式可以當係只係原有八個嘅其中四個移咗位^[11]。

教會調式點分，並唔係按啲音點排嚟分，而係按主音係乜同擺邊嚟分。教會調式嘅主音叫 ｢終音｣（拉丁文：finalis^[11]；英文：final），指 ｢喺中心嘅音｣，擺頭尾叫正格調式，擺中間叫變格調式^[12]，而正格調式當中，第一調係指 re 音係終音，第三調指 mi 係終音，第五調指 fa 係終音，第七調指 so 係終音^[10]。

除咗終音之外，第二重要嘅音叫屬音（拉丁文：dominans^[11]；英文：dominant）^[12]。

古希臘嘅調式係由管或者弦分成約干等分而得出^[13]，主要調式叫多里安調^{[註 6]}，七曜屬日，所以又叫日調式^[暫譯][14]。結構上，古希臘音階係由兩個四音音階（tetrachord）並排而成，基本嘅四音音階有三個，分別叫多里安四音音階、弗里吉安四音音階同利地安四音音階^[15]。

如果唔理古希臘其實唔係用平均律，古希臘嘅七種調式可以話全部對應現代西樂大調嘅七種調式，但係除咗伊奧利安一樣之外，啲名全部都唔同：

古希臘調式[16][14]	別名[17]	七曜[14]	音階[18]	結構			對應現代西樂調式
				高聲部	銜接	低聲部
多里安調 (Dorian)	唔適用	日		多里安[19]	全音[14]	多里安[19]	費里吉安調式 (Phrygian)
弗里吉安調 (Phrygian)	唔適用	金		弗里吉安[19]	全音[14]	弗里吉安[19]	多里安調式 (Dorian)
利地安調 (Lydian)	唔適用	水		利地安[19]	全音[14]	利地安[19]	艾奧尼安調式 (Ionian)
米索利地安調 (Mixolydian)	唔適用	月		未知	未知	多里安[19]	洛克里安調式 (Locrian)
海波多里安調 (Hypodorian)	伊奧利安調 (Aeolian)	土		多里安（原低聲部）[20]	相同音[20]	多里安（原高聲部低八度）[20]	伊奧利安調式 (Aeolian)
海波弗里吉安調 (Hypophrygian)	艾奧尼安調 (Ionian)	木		弗里吉安（原低聲部）[20]	相同音[20]	弗里吉安（原高聲部低八度）[20]	米索利地安調式 (Mixolydian)
海波利地安調 (Hypolydian)	唔適用	火		利地安（原低聲部）[20]	相同音[20]	利地安（原高聲部低八度）[20]	利地安調式 (Lydian)