羣乸

羣乸係啲社會性昆蟲，尤其係膜翅目嘅蟻、馬蜂同埋蜜蜂，仲有白蟻，嘅主要繁殖雌性種姓。羣乸種姓一般係指形態學上有分別嘅，即啲個體係註定要成皇后嘅，之同時啲雌性工人就通常就冇生育能力，唔成得皇后。有多皇后嘅羣落（colony）即係多羣乸模式嘅羣體，之衹有一個皇后嘅就係單羣乸模式。但係有好多物種並咪限死喺一種模式。

紅火蟻（英文：Solenopsis invicta）（Solenopsis invicta）就係一種同時有多羣乸同埋單羣乸模式嘅物種。至於推土切胸蟻（英文：Leptothorax acervorum）（Leptothorax acervorum）啲羣落就會跟住季節變換而喺單羣乸-多羣乸模式之間切換^[1]。小火蟻（英文：Wasmannia auropunctata）（Wasmannia auropunctata）呢，就可以產生一種特殊嘅卵母細胞，減數分裂嘅過程中佢哋入邊罕有基因重組發生。啲卵母細胞一係可以互相融合、轉成羣乸，一係可以同雄性配子合埋、轉成工人^[2]。有種馬蜂物種Apoica flavissima（英文：Apoica flavissima），佢哋啲皇后對於啲唔育得嘅工人嚟講，表現出好明顯嘅形態學分別。Ropalidia plebeiana（英文：Ropalidia plebeiana）啲羣乸成年之後並唔會留低喺個竇裏便，而係可能喺佢哋啲母竇（maternal nests）裏便度過冬日^[3]。

喺缺乏形態學種姓嘅物種中（即「工人」都可能係生育得嘅），「羣乸」一詞通常指啲成世都生殖得或者潛在生殖得嘅雌性，唔同於啲出身係工人身份、隨後先進入生殖狀態嘅其他個體（通常被稱為「替身皇后」或者「能產工蜂」）。喺無刺蜂（英文：stingless bee）嘅某啲物種入邊，譬如Plebeia remota（英文：Plebeia remota），就可以睇到邇種羣乸同工人都有生殖能力嘅現象^[4]。 喺大多數羣落週期論年計嘅物種當中，衹有羣乸可以滯育同過冬，而無論生育得定係唔生育得嘅工人都會死澌。 喺某啲群體入邊（譬如造紙胡蜂（英文：polistes）），羣乸喺築巢嗰陣會同其他羣乸佮埋，並且可能捱降級成次級嘅生殖角色，即出身為羣乸都並唔保證得個雌性就會轉得做皇后。

1. ↑ Jurgen Heinze (1994). "Colony structure and reproduction in the ant, Leptothorax acervorum" (PDF). Behavioral Ecology. 6 (4): 359–367. doi:10.1093/beheco/6.4.359.
2. ↑ Rey O, Loiseau A, Facon B, Foucaud J, Orivel J, Cornuet JM, Robert S, Dobigny G, Delabie JH, Mariano Cdos S, Estoup A (2011). "Meiotic recombination dramatically decreased in thelytokous queens of the little fire ant and their sexually produced workers". Mol. Biol. Evol. 28 (9): 2591–601. doi:10.1093/molbev/msr082. PMID 21459760.
3. ↑ Saito, Fuki (September 2005). "Colony cycle in the south-eastern coastal populations of Ropalidia plebeiana, the only Ropalidia wasp occurring in temperate Australia". Entomological Science. 8 (3): 263–275. doi:10.1111/j.1479-8298.2005.00125.x.
4. ↑ Benthem, F. D. J. van; Imperatriz-Fonseca, V. L.; Velthuis, H. H. W. (1995-03-01). "Biology of the stingless beePlebeia remota (Holmberg): observations and evolutionary implications". Insectes Sociaux (英文). 42 (1): 71–87. doi:10.1007/BF01245700. ISSN 0020-1812.