細階

細階，西方字母書體一類，相對於大階而言，亦叫小階。大階字母嘅等高，細階字母就唔係。細階曲綫多，方便書寫。為現時書流行嘅書體，而大階只會特定地方用。

細階好後期先至出現。至少字母都只有大階，希臘字母係咁，羅馬字母係咁。大階筆劃多數直，正正方方，而且等高咁。嗰時寫喺莎草紙上，較為粗糙。後尾有羊皮紙，較為順滑，希臘字母首先寫字出現一種書體，寫起來多曲綫，但仍然等高。由開頭似大階咁，漸漸脫離大階個樣。但佢仍未脫離等高。拉丁字母亦跟隨。到好後期啲字有更多花款裝飾，突破咗等高，成為小階。到依個時候，就出現大小階之分。而書寫以小階為主，大階只留喺特別用例。