禁區係足球場近住龍門嘅區域，用長方形劃出嘅。
小禁區：距離5.5米（6碼）嘅空間，由底線、左右兩條距離龍門柱5.5米嘅直線同一條連接呢兩條線嘅直線所組成。龍門球要喺小禁區內開出。
大禁區：距離16.5米（18碼）嘅空間）亦類似，由底線、左右兩條距離龍門柱16.5米同連接呢兩條線嘅直線所組成。禁區有好多種作用，最明顯嘅係守門員喺禁區內可以用手接波，同守方喺禁區內嘅犯規可以被判十二碼罰球。
十二碼點喺龍門正中，距底線11米（12碼），係十二碼球踢出嘅地方。喺十二碼球射出前，除射波球員同守方守門員外，所有球員唔可以進入禁區同鵝眉月範圍內。
