柏架山

  提示：呢篇文講嘅唔係筆架山。

  想搵香港區議會選區嘅話，請睇柏架山 (選區)。

柏架山
柏架山。前爲域多厘海口同太古城
海拔	532米（1,745英尺）
位置	香港香港島東北
座標	22°16′00″N 114°13′01″E / 22.2667°N 114.217°E / 22.2667; 114.217
柏架山 呢座山嘅地理位置
睇 傾 改

柏架山（英文：Mount Parker），係香港一山，喺香港島東面。佢係島上第二高山，排喺扯旗山後。山高五百卅二米，卽一千七百四十五英尺。

柏架之名，來自英國海軍司令（Admiral）柏架（William Parker）^[1]。一八四五年，地圖已有英文柏架山名。一八九四年嘅《香港雜記》，叫佢做拍稼山。

因爲個音似畢架，又叫畢架山。不過咁又同九龍另一峰筆架山撞名。

柏架山北喺港島北岸，是爲鰂魚涌、西灣河同筲箕灣。望北係域多利海口，遠望見九龍灣同九龍諸峯；望南係大潭水塘，遠望見大潭𡰪水塘同大潭灣；望東係大潭峽‎、歌連臣山同柴灣，遠望見大東門同各島；望西係黃泥涌峽，遠望係灣仔同扯旗山。

柏架山有兩峰，一東北，一西南。東北稍低，高五百一十八米，山頂雷達站，有水泥路通上。西南至高，高五百卅二米，有三角測量柱。

一八九二年，山上修建吊車，是爲柏架山吊車。吊車來往柏架山上嘅大風坳同鰂魚涌。四十年後，一九三二年，由於少人用而拆。

一九〇三年，柏架山發現新物種，後名紅皮糙果茶（Camellia crapnelliana）。

一九四七年一月廿五號，菲律賓航空飛機，屬杜格拉斯C-47A-25-DK型號，試降啟德機場失敗。其後，發現飛機殘骸喺柏架山^[2]。

柏架山大部份地方都劃入大潭郊野公園，受郊野公園條例保護。山上樹林鬱鬱，山勢陡峭，山下市區開發較遲，所以唔似島北其他山咁，滿佈屋宇，失去天然環境。山南有集水之效，水注入大潭水塘同大潭𡰪水塘。

山上有啲本地茶花品種，好似香港茶（學名Camellia hongkongensis）咁。而紅皮糙果茶，亦喺此山首次發現。

柏架山西側有柏架山道環繞，由鰂魚涌駁去大潭𡰪，當中有一支路上山頂雷達站。

呢篇文係香港嘅山有關楔位文。歡迎幫維基百科擴寫佢。 睇 • 論 • 改 • 歷