散拍

散拍，音樂一類，打散拍子而名。樂曲徹底咁用切分音，升半音，節奏風格突異，亦叫得爵士樂前身。多數用鋼琴譜曲，然而亦用得其他樂器。源自美國南部中西部，當地舞曲。流行於十九世紀九十年代到二十世紀一十年代^[1][2]，成為潮流 。美國非洲人音樂首次，對歐洲音樂以至世界好有影響 。佢脫自教會音樂，脫自民謠，又帶有流行舞曲，元素有古典音樂，又有進行曲咁。

一十年代之後，美國其他新音樂風格，散拍漸退，自始沉寂。到二十世紀四十年代，爵士樂又翻用散拍樂曲。到六十年代，散拍又重新提起，經電視帶到公眾。七十年代，經電影流行，散拍舊作重新興起。

作曲家以史葛翟平靈、占士史葛、約瑟藍至活躍，推廣依種音樂。至受人所愛樂曲有楓葉散拍，有娛者，有無花果葉散拍，有蛙腳散拍同感性散拍等。

英文ragtime，可以拆開rag同time來睇。rag可以解散碎。time就指拍子。講佢用咗好多切分音，節拍有啲散散碎碎。然而另一睇法，rag可能取自方言，美國非洲人叫跳舞做rag^[3]。來源有啲曖昧，唔咁清晰。