吉㔻

吉㔻
清代畫嘅吉㔻嘅畫
東漢 官員
死	218年 許都（而家河南許昌）
活躍時期	218年
仔女	吉邈 吉穆
遞啲名
其他名	吉本、吉丕、吉平

吉㔻^{[註 1]}（粵拼：gat1 pei1；？—218年），馮翊池陽人（而家陝西咸陽），係東漢末年嘅太醫令，佢有兩個仔，大嘅叫吉邈，細嘅叫吉穆。

建安二十三年（218年），吉㔻共少府耿紀、司直韋晃（中文：韋晃）、金禕、佢嘅兩個仔喺夜晚時喺許都（又叫許昌）發動對曹操嘅誅殺，目標係丞相府，因爲佢哋不滿曹操逼漢獻帝劉協封佢做魏王。而當時關羽喺南面兵力強盛，佢哋想殺咗喺許都督軍嘅王必，再帶天子搵劉備打曹操。

佢哋當晚燒咗丞相府大門，並且射箭射中王必膊頭。當王必走難時，原本想投靠老友嘅金禕，但金家以爲係自己人，應錯聲，將底細漏咗畀王必知（另一種講法係王必手下勸阻佢搵金禕），於是王必走咗去城南。天光時佢哋以爲王必死咗，結果王必同嚴匡討伐佢哋，於是場誅殺無過幾耐就冚熄咗。最後佢共佢有關聯嘅人都被處死。

喺羅貫中嘅歷史小說《三國演義》，人物吉太（字稱平，又叫吉平）就係吉㔻嘅現身。不過羅貫中將吉㔻嘅死年改成建安五年（200年），喺書中呢個人物死嘅原因係由於吉平同國舅董承共謀暗殺計劃，想用毒藥殺咗曹操，不過不幸被發現，佢同董承都畀曹操處死。

• 陳壽（著）；裴松之（注）。〈魏書：武帝紀〉. 《《三國志》》。｢（建安）二十三年春正月，漢太醫令吉本與少府耿紀、司直韋晃等反，攻許，燒丞相長史王必營……必與潁川典農中郎將嚴匡討斬之。〈三輔決錄注曰：時有京兆金禕字德禕，自以世為漢臣，自日磾討莽何羅，忠誠顯著，名節累葉。睹漢祚將移，謂可季興，乃喟然發憤，遂與耿紀、韋晃、吉本、本子邈、邈弟穆等結謀。……若殺必，欲挾天子以攻魏，南援劉備。時關羽強盛，而王在鄴，留必典兵督許中事。文然等率雜人及家僮千餘人夜燒門攻必，禕遣人為內應，射必中肩。必不知攻者為誰，以素與禕善，走投禕，夜喚德禕，禕家不知是必，謂為文然等，錯應曰：『王長史已死乎？卿曹事立矣！』必乃更他路奔。一曰：必欲投禕，其帳下督謂必曰：『今日事竟知誰門而投入乎？』扶必奔南城。會天明，必猶在，文然等眾散，故敗。｣
• 袁宏。〈孝獻皇帝紀卷第三十〉. 《《後漢紀》》。｢二十三年春正月甲子，太醫令吉平、少府耿熙等謀誅曹操，發覺，伏誅。｣
• 司馬光。〈漢紀卷第六十八〉. 《《資治通鑑》》。｢孝獻皇帝癸建安二十三年（戊戌，公元二一八年）……魏王操使丞相長史王必典兵督許中事。時關羽強盛，京兆金禕睹漢祚將移，乃與少府耿紀、司直韋晃、太醫令吉本、本子邈、邈弟穆等謀殺必，挾天子以攻魏，南引關羽為援。春，正月，吉邈等率其黨千餘人，夜攻王必，燒其門，射必中肩，帳下督扶必奔南城。會天明，邈等眾潰，必與穎川典農中郎將嚴匡共討斬之。｣
• 陳壽（著）；裴松之（注）。〈魏書：和常楊杜趙裴傳 — 常林傳〉. 《《三國志》》。｢吉茂字叔暢，馮翊池陽人也……二十二年，坐其宗人吉本等起事被收。｣