南京條約

《南京條約》（Treaty of Nanking），又叫《江寧條約》，係大清同大英兩國，喺1842年，鴉片戰爭後簽嘅條約。

原本條約係無名，後按當地名而名。當時簽處地響大清時嘅江寧，所以叫《江寧條約》。而外國多數叫呢度Nanking或者Nankin，即按大明時嘅南京為名，加上民國後恢復南京為都，所以中文又叫《南京條約》。

維基文庫有原文：

南京條約

維基文庫有原文：

南京條約 (英文版)

因為大清戰爭失利，畀大英打到長江同京杭大運河交界嘅鎮江鷄毛鴨血，為咗保住呢條，就迫住簽條約。條約要大清賠錢、割香港島畀大英，以及准英人五口通商，同英人犯事由英方審，即係治外法權。

條約響西曆1842年8月29號，即係道光二十二年七月廿四簽，地點喺英艦皋華麗號（英文：HMS Cornwallis (1813)）。英方條約代表係砵甸乍（約上寫璞鼎查），而清方代表係耆英同伊里布。

條約一式兩份，家下一份喺中華民國外交部，另一份喺英國政府。